Storflodugle

Storflodugle (Scotopelia peli) er ei ugle som bur i Afrika sør for Sahara. Her bur ho i fuktige skogar og sumper, i nærleiken av elvar og innsjøar.

Storflodugle
Storflodugle
Status
Status i verda: Livskraftig
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Ugler Strigiformes
Familie:	Uglefamilien Strigidae
Slekt:	Flodugler Scotopelia
Art:	Storflodugle S. peli
Vitskapleg namn
Scotopelia peli Bonaparte, 1850

Skildring

Storflodugle er ei av dei største uglene i verda, ho har vorte målt som den femte tyngste, og har det fjerde største vengjespennet som er målt på ei ugle, på 153 cm. Ho kan vere mellom 51 og 63 cm lang. Hannen veg rundt 1,7 kg, medan hoene veg rundt 2,09 kg.

På vaksne er fjørdrakta hovudsakleg raudbrun, med nokre mørke flekker. På magen er fjørene lysare, spesielt rundt nakken. Fjørene på hovudet er lengre, noko som gir ugla ein raggete utsjånad. Det er ikkje fjør på beina, men piggete skjel, som let henne fange fisk enklare.

Habitat og utbreiing

Storflodugla bur i fuktige tropiske skogar og sumpar, nær elvar og innsjøar, hovudsakleg på den afrikanske vestkysten. Sjølv om det føretrekte habitatet hennar er elveskog finst ho også på øyar med store innsjøar og elvar, så lenge øyane ikkje er langt unna kysten. Storflodugla kan reisa ut av dei vanlege områda sine på jakt etter mat.

Levevis

Storflodugla er aktiv på kveld og natt, der ho sit i tre og på greiner over vatn, der ho ser etter fisk. Ho kan fanga fisk på opp til 2 kg, men som oftast fangar ho fisk på 100-200 g. På dagtid kviler ho i tre lengre unna vatnet. Hoer og hannar kviler ofte i par.

Storflodugla hekkar under tørketid, når det er lågare og klarare vatn, som gjer at det er enklare å finna og fanga fisk. Storflodugler er territorielle, og gjer krav på område langs kyst og elv i starten av hekketida. Uglene lagar reir i hole tre, og legg som regel 1-2 egg.

Kjelder

• Denne artikkelen bygger på «Storflodugle» frå Wikipedia på bokmål, den 18. oktober 2024.

Bakgrunnsstoff

• (no) Storflodugle hos Artsdatabanken
• (en) Storflodugle – oversikt og omtale av artane i WORMS-databasen
• (en) Storflodugle i Encyclopedia of Life
• (en) Storflodugle i Global Biodiversity Information Facility
• (en) Storflodugle hos ITIS
• (en) Storflodugle hos NCBI
• (en) Kategori:Scotopelia peli – bilete, video eller lyd på Wikimedia Commons
• (en) Scotopelia peli – galleri av bilete, video eller lyd på Wikimedia Commons
• Scotopelia peli – detaljert informasjon på Wikispecies