Storlire
Storlire (Ardenna gravis) er ei lire i stormfuglfamilien, Procellariidae, som lever i Atlanteren. Storlira hekkar på øyar i Sør-Atlanteren og er ein trekkfugl som trekkjer nordover i den nordlege sommaren til havområda aust for Nord-Amerika.[1]
| Storlire | |
_MAS_pelagic_trip,_out_of_bar_harbor,_me_-37_(42977042330).jpg) Storlire utanfor North Carolina, USA Foto: Patrick Coin
| |
| Utbreiing og status | |
Status i verda:  Livskraftig Utbreiinga av Storlire | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Stormfuglar Procellariiformes |
| Familie: | Stormfuglfamilien Procellariidae |
| Slekt: | Ardenna |
| Art: | Storlire A. gravis |
| Vitskapleg namn | |
| Ardenna gravis | |
Storlira er 43–51 cm i lengd med vengespenn på 105–122 cm. Ho er identifiserbar med mørk hette, markert kvit krage, mørk overside, og undersida er kvit bortsett frå ein skitten flekk på buken. Ho har òg mørke teikningar under vengene. Oversida av halen har eit kvitt band framføre det mørke endebandet. Nebbet er mørkt. Ho flyg på stive venger, som ei stor havlire.[1]
Populasjonen var estimert til minst 15 millionar individ i 2004 og er stabil.[2]
Utbreiing
endreDet meste av bestanden hekkar på øygruppa Tristan da Cunha og på Gough Island. I tillegg har få fuglar hekka på Falklandsøyane.[2] Overvintringsområdet er Nord-Atlanteren, så langt nord som utanfor kysten av Grønland.[3]
I norske farvatn
endreTrekket sørover følgjer ei rute lengre aust og storlira blir observert utanfor Vest-Europa,[1] men berre sjeldan i Nordsjøen og øvrige nære norske farvatn. Dei siste godkjente observasjonane i Noreg var av eit individ i 1999 og eit i 2010.[4]
Kjelder
endre- Svensson, Lars; Peter J Grant; Killian Mullarney; Dan Zetterström; David Christie (1999). Collins bird guide : [the most complete field guide to the birds of Britain and Europe]. London: Harper Collins Publishers. ISBN 0002197286 9780002197281 Check
|isbn=value: length (hjelp). - BirdLife International (2012) Species factsheet: Puffinus gravis Arkivert 2012-10-09 ved Wayback Machine.. Henta frå http://www.birdlife.org den 11. juni 2012.
Referansar
endre- ↑ 1,0 1,1 1,2 Svensson, 1999
- ↑ 2,0 2,1 BirdLife International, 2012
- ↑ BirdLife International 2004 Utbreiing i Europa
- ↑ Rapportsystemet for fugler Observasjonar henta frå systemet 11. juni 2012
Bakgrunnsstoff
endre- Videoar, bilete og lydopptak av storlire hos Internet Bird Collection