Sulfat

Sulfat (SO₄^2-) er eit anion bygd opp av eit svovelatom og fire oksygenatom. Salt og esterar som inneheld sulfation blir også kalla sulfat. Sulfationet har ein tetraedrisk struktur. Svovelatomet i midten er omgitt av dei fire oksygenatoma. Det blir ofte avleidd frå svovelsyre (H₂SO₄).

Molekylmodell av sulfat.

Ein framstiller uorganiske sulfat gjennom å løyse metall i svovelsyre, ved reaksjon mellom metalloksid, -hydroksid eller -karbonat med svovelsyre eller ved oksidasjon av metallsulfid eller -sulfitt. Organiske sulfat er esterer av typen ROSO₃ eller R₂SO₄ der eitt eller begge hydrogenatoma i svovelsyra er erstattet av organiske grupper, R.

Mange typar sulfat finst i naturen, til dømes gips (CaSO₄·H₂O), barytt (BaSO₄) og alunitt (KAl₃(SO₄)₂(OH)₆. I havet er sulfatkonsentrasjonen ca. 30 millimol per liter, noe som tilsvarer 960 g svovel per m3. Saman med kation kan sulfationet danna salt. Desse får namn etter kationet, ofte eit metall, men med endinga -sulfat. Nokre viktige sulfat i kjemisk industri er natriumsulfat og ammoniumsulfat. Dei fleste sulfata er lett løyselege i vatn. Dette gjeld likevel ikkje alltid. Til dømes er bariumsulfat og kalsiumsulfat (gips) tungtløyselege.

• 
  Bariumsulfat
• 
  Mangan(II)sulfat
• 
  Ammoniumjern(II)sulfat, også kjend som Mohrs salt
• 
  Mikroskopbilde av eit jernsulfat.

Bakgrunnsstoff

• «sulfater» i Store norske leksikon

Kjelder

• Delphin, Inger Lise A. «sulfater» (15. februar 2009), Store norske leksikon. Fri artikkel henta 21. januar 2014.

Denne kjemiartikkelen er ei spire. Du kan hjelpe Nynorsk Wikipedia gjennom å utvide han.