Surgut

Surgut Сургут
Flagget til Surgut	Byvåpenet til Surgut
Plassering
Styresmakter
Land	Russland
Føderasjonssubjekt	Khanty-Mansia
Grunnlagd Bystatus	1594 1965
Borgarmeister	Aleksander Sidorov
Geografi
Flatevidd  - By	210 km²
Innbyggjarar  - Totalt (2008)    - folketettleik	296 600   1 412,4 /km²
Koordinatar	61°15′0″N 73°26′0″E
Høgd over havet	40 moh
Tidssone - Ved sommartid	YEKT(UTC+5) YEKST (UTC+6)
Diverse annan informasjon
Postnummer	628400–628426
Retningsnummer (tlf)	(+7)3462
Nettstad: www.admsurgut.ru

Surgut (russisk Сургу́т) er den største byen i Khanty-Mansia i Russland. Han ligg ved elva Ob, rundt 250&km aust for Khanty-Mansijsk. I 2008 hadde han tett opp under 300 000 innbyggjarar.

Namnet på byen kjem i følgje ei segn av dei khantiske orda «sur» (fisk) og «gut» (hol, grop).

Historie

Jernbanestasjonen i Surgut

Surgut er ein av dei eldste byane i Sibir. Han vart grunnlagt i 1594 etter ordre frå tsar Fjodor I.

Urbaniseringa av Surgut fann stad på 1960-talet, då han vart eit senter for olje- og gassproduksjon. 25. juni 1965 fekk arbeidsbusetnaden Surgut bystatus.

Økonomi og næringsliv

Økonomien i Surgut er knytt til oljeproduksjon og handsaming av naturgass. Dei største verksemdene er oljeselskapet Surgutneftegaz (ofte berre kalla Surgut) og Surgutgazprom (ei avdeling av Gazprom). Kraftverka GRES-1 og GRES-2 produserer over 7200 megawatt og forsyner mesteparten av regionen med relativt billig elektrisitet.

Transport

Surgut lufthamn ligg 10 km nord for byen og har ruter til Moskva, Dubai, Sankt Petersburg, Irkutsk og fleire andre byar. Jernbanen Tjumen–Novyj Urengoj går gjennom byen. Surgutbrua over Ob er den lengste eittårns skråkabelbrua i verda.

Bakgrunnsstoff

• Informasjonsportal for Surgut Arkivert 1998-12-06 ved Wayback Machine. (russisk)

Kjelder

• Denne artikkelen bygger på «Surgut» frå Wikipedia på bokmål, den 30. november 2008.