Tararua District
Tararua District ligg nær det søraustlege hjørnet på Nordøya på New Zealand. Distriktet vart danna i 1989 og gjeve namn etter fjellrekkja Tararua Range, som utgjer mykje av distriktet si grense mot vest. Folketalet er 17 750 (estimat frå juni 2008)[2] og flatevidda 4 360,56 km².
| Tararua District | |||
.jpg) Tararuafjella sett frå Pori Road nær Tiraumea
| |||
| Land |  New Zealand
| ||
|---|---|---|---|
| Region | Manawatū-Whanganui | ||
| Areal | 4 360,56 km² | ||
| Folketal | 17 943 (6. mars 2018)[1] | ||
 Tararua District 40°26′53″S 176°01′23″E / 40.448°S 176.023°E | |||
| Wikimedia Commons: Tararua District | |||
Den nordvestlege grensa til distriktet går langs toppane til fjellrekkja Ruahine Range, den søraustlege er Stillehavet. Nedslagsområdet til Manawatu-elva avgrensar i store trekk utbreiinga mot nord og sør. Dette nedslagsområdet er også grunnen til at storparten av distriktet ligg i regionen Manawatū-Whanganui, sjølv om mange av innbyggjarane i distriktet tradisjonelt har rekna seg å høyra til anten Hawke's Bay (mot nord) eller Wairarapa (i sør).
Byar og regionstyre
endreDen største byen i distriktet er Dannevirke som vart oppretta av immigrantar frå Danmark i 1872. Han er òg administrasjonssenteret i distriktet. Andre busetnader (frå sør til nord langsetter dei viktigaste dalføra) er Eketahuna og Pahiatua, som har sine eigne lokalstyre, og Woodville, Ormondville og Norsewood. Nær kysten ligg Pongaroa, Herbertville, Akitio og Alfredton.
Medan den største delen (98,42 % av landarealet) i Tararua District er ein del av regionen Manawatū-Whanganui, høyrer til ein liten trekant ruralt område (1,58 % av landarealet) nord for Owahanga River søraust i distriktet Regionen Wellington. Ved folketeljinga i 2006 budde det berre tre menneske i dette området, kjent som Mara. Det var ein nedgang frå 12 ved folketeljingane i 1996 og 2001.
«Forty-Mile Bush»
endreDå europearane busette seg i dette området, var det nesten fullstendig skogkledd og vart kalla «Forty-Mile Bush». Tilflytting og rydding av skog gjorde det til eit blømande jordbruksdistrikt, sjølv om områda nær Stillehavskysten enno er spreidd busette.
Økonomi
endreJordbruk er hovudnæringsvegen i distriktet. Andre verksemder er tekstilindustri, matfabrikasjon og handel. Det er venta at kommersielt skogbruk vert meir økonomisk viktig for distriktet i framtida.
Referansar
endre- ↑ 1,0 1,1 1,2 1,3 http://nzdotstat.stats.govt.nz/wbos/Index.aspx?DataSetCode=TABLECODE8277.
- ↑ Estimat 30. juni 2008 Arkivert 2009-04-19 ved Wayback Machine. Frå Statistics New Zealand
- Denne artikkelen bygger på «Tararua District» frå Wikipedia på engelsk, den 18. juni 2009.