Dannevirke på New Zealand
Dannevirke (dansk for 'dansk skaparverk' eller 'dansk verk') er ein landleg tenesteby i regionen Manawatu-Wanganui på New Zealand. Det er den største byen og administrasjonssenter i distriktet Tararua, det austlegaste av distrikta i regionen Manawatu-Wanganui. Det omliggjande området har vorte utvikla til eit jordbruksland med vekt på mjølkeproduksjon og sauehald, som no er hovudnæringsgreiner for dei om lag 6 000 innbyggjarane i byen.
| Dannevirke Tāmaki-nui-a-Rua (maori) | ||
|---|---|---|
 | ||
| Styresmakter | ||
| Land Region Distrikt |
 New Zealand Manawatu-Wanganui Tararua | |
| Geografi | ||
| Innbyggjarar[1] - By (2006) |
5 517 | |
| Koordinatar | 40°12′0″S 176°6′0″E / 40.20000°S 176.10000°E | |
| Høgd over havet | 210 m | |
| Diverse anna | ||
| Heimeside: http://www.dannevirke.net.nz/ | ||
| Plassering | ||
  | ||
Historie endre
Byen vart grunnlagd 15. oktober 1872 av danske, norske og svenske innvandrarar, tilhengjarar av skandinavismen, som kom til hamnebyen Napier og drog innover i landet. Nybyggjarane, som kom til landet under ei tilrettelagt innvandring, lovregulert i Public Works Act, skipa den første busetnaden sin i ein rydning i skogområdet som var kalla Seventy Mile Bush.
Dannevirke, som byen fekk namn etter, var ei større dansk festningslinje frå vikingtida, og var eit stort kjenslemessig symbol for danskane på 1800-talet, særleg etter at ho var fallen i hendene på tyskarane under den andre slesvigske (dansk-tyske) krigen i 1864 - ei nyleg inntroffen og smertefull hending for desse nybyggjarane.
Busetnaden fekk tidleg kallenamnet «svillebyen», etter som byen produserte totara-sviller til jarnvegen. På ei tid hadde området 50 sagbruk i drift. Etter at den naturlege skogen var rydda, vart landet brukt som beiteområde for husdyr.
Anna endre
Den australsk politikaren og tidlegare førsteministeren i Queensland, Johannes Bjelke-Petersen, var fødd i Dannevirke.
Kjelder endre
- Denne artikkelen bygger på «Dannevirke» frå Wikipedia på engelsk, den 7. juli 2009.