Terni
Terni er ein by i Italia. Han er hovudstad i provinsen Terni i regionen Umbria og har om lag 110 000 innbyggjarar. Han ligg på sletta til elva Nera, om lag 104 km nord for Roma, 36 km nordvest for Rieti og 29 km sør for Spoleto.
| Terni | ||
|---|---|---|
 | ||
| Plassering | ||
  | ||
| Styresmakter | ||
| Land Region Provins |
 Italia Umbria Terni | |
| Borgarmeister | Paolo Raffaelli | |
| Geografi | ||
| Flatevidd - By |
211 km² | |
| Innbyggjarar - Totalt (2005) - folketettleik |
108 999 493/km² | |
| Koordinatar | 42°34′N 12°39′E / 42.567°N 12.650°E | |
| Høgd over havet | 130 m | |
| Diverse annan informasjon | ||
| Postnummer | 5100 | |
| Telefon-retningsnummer | 0744 | |
| Nettstad: www.comuneterni.it | ||
Jernbanelinja mellom Roma og Ancona går gjennom byen, og han har òg jernbanesamband mot Rieti og L'Aquila. Terni har eit universitet og er ein av dei viktigaste industribyane i Umbria.
Historue endre
Byen vart truleg grunnlagd på 600-talet fvt. av sabinarar. På 200-talet fvt. vart han erobra av romarane og vart snart ein viktig municipium langs Via Flaminia. Det romerske namnet var Interamna, som tyder «mellom to elvar». Under Romarriket vart byen utbygd med mange flotte bygg, inkludert akveduktar, murar, amfiteater, tempel og bruer.
Etter langobardane erobra Terni i 755 vart han mindre viktig og hamna i skuggen til Spoleto som den nest største byen i Hertugdømet Spoleto. I 1174 vart han øydelagd av Fredrik Barbarossa sin general, erkebiskop Kristian av Mainz.
På 1300-talet hadde Terni sine eigne lover og frå 1353 vart bymurane forsterka og nye kanalar vart opna. Som i mange andre italienske kommunar i mellomalderen gjekk striden mellom ghibellinarar og guelfarar hardt ut over byen. Seinare strida òg dei to partane Nobili og Banderari om makta i byen. Terni vart etter kvart ein del av Kyrkjestaten. I 1580 vart eit jernverk, Ferriera, bygd ved byen og dette var starten for Terni som industriby. På 1600-talet gjekk det derimot nedover med byen på grunn av pest og svolt.
På 1800-talet nøyt Terni godt av den industrielle revolusjonen og den gode tilgangen til vatn i området. Av nye indstriar kom det til eit stålverk, eit støyperi og fabrikkar som produserte våpen, jute og ull. Han vart derfor hard råka av dei allierte sine bombetokt under den andre verdskrigen. Totalt var det 108 raid.
Bakgrunnsstoff endre
Wikimedia Commons har multimedia som gjeld: Terni
- aboutterni.com
- Byportal
- terniweb.it Arkivert 2008-06-25 ved Wayback Machine.
- Terni på UmbriaTravel.Com Arkivert 2015-03-01 ved Wayback Machine.
Kjelder endre
- Denne artikkelen bygger på «Terni» frå Wikipedia på engelsk, den 9. januar 2008.