Tomas Brolin
Per Tomas Brolin (fødd 29. november 1969) er ein svensk tidlegare fotballspelar frå Hudiksvall som var sentral då Sverige vann bronsen under VM i fotball 1994, året etter ha vann cupvinnarcupen med Parma FC. Brolin vert rekna som Sveriges beste fotballspelar den fyrste halvdelen av 1990-åra, kåra til årets spelar 1990 og 1994.
 | |||
| Personleg informasjon | |||
|---|---|---|---|
| Fullt namn | Per Tomas Brolin | ||
| Fødselsdato | 29. november 1969 (54 år) | ||
| Fødestad | Hudiksvall i Sverige | ||
| Høgd | 178 cm | ||
| Posisjon | Spiss, midtbane | ||
| Seniorkarriere* | |||
| År | Lag | Kampar | (Mål) |
| 1984-1986 | Näsvikens IK | 36 | (10) |
| 1987-1989 | Sundsvall | 55 | (13) |
| 1990 | Norrköping | 9 | (7) |
| 1990-1995 | Parma | 133 | (20) |
| 1995-1997 | Leeds | 20 | (4) |
| 1996 | Zürich (lån) | 3 | (0) |
| 1997 | Parma (lån) | 11 | (0) |
| 1998 | Crystal Palace | 13 | (0) |
| 1998 | Hudiksvall ABK | (1) | |
| Totalt | 280 | (58) | |
| Landslag | |||
| 1990-1995 | Sverige | 47 | (27) |
| * Seniorklubbkampar og mål berre telt for nasjonal liga | |||
Klubbspel endre
Brolin spelte 1985-87 på fjerdedivisjonslaget Näsvikens SK. Etter tre sesongar hos GIF Sundsvall, spelte han våren 1990 på Norrköping. Allereie i september 1990 vart han overført til italienske Parma FC, der han i fem sesongar bidrog mykje til lagets suksess. Klubben vann den nasjonale cupen i 1992 og cupvinnarcupen 1993, men tapte finalen i cupvinnarcupen 1994. I november 1995 vart han overført til Leeds United. Heller svake prestasjonar gjorde at han vart sett ut av fyrstelaget og han prøvde seg så i FC Zürich og på ny i Parma FC, utan å imponere. Vårsesongen 1998 var Brolin aktiv i London-klubben Crystal Palace. Han la opp sommaren 1998, etter tre år i svak form.
Landslagsspel endre
Brolin debuterte på det svenske landslaget i april 1990 og skåra to av måla då Wales vart slått 4-2. Han skåra eitt mål under VM i fotball 1990, der Sverige rauk ut i gruppespelet. To år seinare vart Brolin matchvinnar både mot Danmark og England då EM i fotball 1992 fann stad på svensk heimebane. Han skåra også då Sverige tapte semifinalen mot Vest-Tyskland med 2-3. Under VM i fotball 1994 i USA markerte han seg som den drivande krafta bak Sverige suksess som vart fullført med 4-0 over Bulgaria i bronsefinalen. Etter eit beinbrot i ein landskamp mot Ungarn i november 1994, fekk Brolin fem kampar i landslagsdrakta utover sommaren-hausten 1995 før han vart vraka. Han spelte i alt 47 landskampar og skåra 27 mål.
Merittar endre
- VM-bronse: 1994 for Sverige
- Vinnar av cupvinnarcupen: 1993 med Parma FC
- Italiensk cupmeister: 1992 med Parma FC
Kjelder endre
- Denne artikkelen bygger på «Tomas Brolin» frå Wikipedia på svensk, den 6. oktober 2018.