Trøsdalen
Trøsdalen, tidlegare skrive Trausdalen, Trausdal og Drøsdal, er ein matrikkelgard i Hyllestad kommune i Sogn og Fjordane fylke. Garden har matrikkelnummer 13.[2][3]
| Trøsdalen | |||
| stad | |||
| Land |  Noreg
| ||
|---|---|---|---|
| Fylke | Sogn og Fjordane | ||
| Kommune | Hyllestad | ||
| Postnummer | 6958 SØRBØVÅG[1] | ||
| Gardnummer | 13[2][3] | ||
| Ferdselsårer | Kommunal veg til Fv65[4] | ||
Geografi
endreTrøsdalen grensar i vest til Teige og Bjørnestad, i nordvest mot Myklebust, i nord til Lybakken, i aust mot Ramsgrø og Liane og i sør mot Ulvika.[3]
Historie
endreBusetjinga på Trøsdalenen kom på 1500-talet. Det var vorte fire bruk på garden på slutten av 1800-talet og Lybakken var skild ut som eigen gard i 1879.
Det har vore to sager og ein trevarefabrikk på garden.[3]
Namnet
endreDet er usemje om tolkinga av namnet. Oluf Rygh meinte at det kom av draug i tydinga dauing.[5], medan det i Bygdebok for Hyllestad står at namnet har samband med å tryte, som tyder å ta slutt[6], og viste til at garden var den øvste busetjinga langs Teigevassdraget, altså at busetjinga tok slutt der.[3] Fyrstelekkjen i «Trautskogen» vert tolka på same viset.[7] I kjeldene er namnet skrive «Drønsdall» (1563), «Drøsdall» (1567), «Trøßdall» (1603), «Drøssedall» (1608), «Drøssdal» (1667) og «Drøsdahl» (1723).[8]
Trøsdalen er ikkje brukt som stadnamn andre stader i landet.
Klagenemda for stadnamnsaker hjå Statens kartverk godkjende skrivemåten «Trøsdalen» i 2003, og avslo samtidig å godkjenne «Trausdalen» og «Trausdal».[9]
Gardsnamnet vert også brukt som slektsnamn, men det vert då skrive «Drøsdal».
Sjå òg
endreKjelder
endre- ↑ «Postnummerkart på nettstaden til Posten». Vitja 3. desember 2010
- ↑ 2,0 2,1 «Gardsleksikon på nettstaden til Sogn og Fjordane Fylkesarkiv». Vitja 2. desember 2010
- ↑ 3,0 3,1 3,2 3,3 3,4 Inger Kellmer (1990). «Trausdalen : Gnr. 13». I Finn Borgen Førsund. Hyllestad bygdebok : Soga om folket I. Hyllestad: Hyllestad kommune. s. 110. ISBN 8299219817.
- ↑ «Nettstaden visveg.no (Statens vegvesen)». Vitja 3. desember 2010
- ↑ «Oluf Rygh: «Trausdal» i Norske Gaardnavne».
- ↑ ««tryte» i Nynorskordboka». Vitja 3. desember 2010
- ↑ Stemshaug, Ola og Sandnes, Jørn, red. (2007). «Trautskogen». Norsk stadnamnleksikkon (4 utg.). Oslo: Det norske Samlaget. s. 460. ISBN 978-82-521-4905-0.
- ↑ «Oluf Rygh: «Trausdal» i Norske Gaardnavne».
- ↑ «yr.no». Vitja 3. desember 2010
Vidare lesnad
endre- Inger Kellmer (1990). «Trausdalen : Gnr. 13». I Finn Borgen Førsund. Hyllestad bygdebok : Soga om folket I. Hyllestad: Hyllestad kommune. s. 110-124. ISBN 8299219817.