Ulrikke Dahl
Ulrikke Oluffa Antonette Dahl (10. desember 1846–16. mars 1923[1]) var ein norsk forfattar.
| Ulrikke Dahl | |
| Statsborgarskap | Noreg |
| Fødd | 10. desember 1846 Melhus kommune |
| Død |
16. mars 1923 (76 år) |
| Yrke | skribent |
| Far | Nils Nilssen Dahl |
Familie
endreUlrikke Dahl var dotter av soknepresten, stortingsrepresentanten og odelstingspresidenten Nils Nilssøn Dahl (1806–1854) og Christopha Kirstine Rønneberg.[2] Ho var syster av høgsterettsadvokaten, forfattaren og politikaren Walter Scott Dahl (1839–1906), forfattar Nikoline Harbitz (1841–1898) og forfattaren og teologen Konrad Dahl (1843–1931).
Liv og virke
endreDebutromanen til Ulrikke Dahl var Da jeg var tyve år, og blei fyrst publisert som føljetong i Bergensposten i 1876. Forteljinga er skriven i form av ei dagbok, der hovudpersonen er ei guvernante.[3] Forfattarskapen til Dahl var beskjeden, og gjekk grovt rekna i to korte periodar med eit opphøyr på mange år i mellom. Boka hennar Solhøi – Fortælling fra Romsdalen blei omsett til nederlandsk.
Dahl publiserte dessutan tekster i ulike tidsskrift, blant anna i Urd.[4]
Dahl levde i mange år eit tilbakedrege tilvære på eit bruk av garden Stokkeland i Vestnes, som tilhøyrde broren hennar Walter Scott Dahl,[5] der ho sjølv eigde våningshuset.[6] I Vestnes gjekk ho under namnet «Ulla», mens mora blei kalla «Dalfruå».[7]
Bibliografi
endre- 1876: Da jeg var tyve år, Grieg, Bergen
- 1879: Rakel, Bergen
- 1881: Arild Anker, (føljetong i Bergens Aftenblad)[8]
- 1899: Solhøi – Fortælling fra Romsdalen, Steen, Kristiania. Utgjeven på nederlandsk som Lichtheuvel, 1900
- 1901: En melodi mellem fjeldene, Steen, Kristiania
- 1903: Frode Halls hverdagsliv, Steen, Kristiania
Litteratur
endre- Norsk kvinnelitteraturhistorie. Pax. 1990. s. 254. ISBN 8253014988.
- Dette skrev kvinner : bibliografi over norske kvinnelige forfattere med debut før 1931. Statens bibliotekhøgskole. 1984. s. 57. ISBN 8257900109.
Kjelder
endre- ↑ Romsdals Budstikke 1923.03.19. 1923. s. 3.
- ↑ Lokalhistoriewiki.no: Nils Nilssøn Dahl, besøkt 22/1 2020
- ↑ Aasen, Elisabeth (1986). Kvinners spor i skrift. Samlaget. s. 88. ISBN 8252128432.
- ↑ Urd. A/S Urd. 1900.
- ↑ Romsdals Budstikke 1923.03.20. 1923. s. 2.
- ↑ Brovold, Ivar (1977). Topografisk-historisk Beskrivelse over Vestnæs Prestegjeld. Hatlehols tr. s. 257. ISBN 8299311608.
- ↑ Rekdal, Olav (1973). Gards- og slektshistorie for Vestnes - Tresfjord. Vestnes kommune. s. 422. ISBN 8270960063.
- ↑ Halvorsen, J.B. (1888). Norsk Forfatter-Lexikon 1814-1880. Den Norske Forlagsforening. s. 118.
- Denne artikkelen bygger på «Ulrikke Dahl» frå Wikipedia på bokmål, den 31. mars 2024.