Xuchang

Xuchang (kinesisk skrift 许昌; pinyin Xǔchāng) er eit byprefektur midt i provinsen Henan i det sentrale Kina. Byprefekturet har eit areal på 4 997 km² og hadde vel 4,3 millionar ibuarar i 2010.

Xuchang
byprefektur
Land	Folkerepublikken Kina
Areal	4 978,83 km²
Folketal	4 307 488 (2010)
Xuchang 34.02444°N 113.82014°E / 34.02444; 113.82014
Plasseringa av Xuchang-prefekturet i Henan. Plasseringa av Xuchang-prefekturet i Henan.
Wikimedia Commons: Xuchang

Byprefekturet Xuchang omfattar eitt bydistrikt (区 qū), to byfylke (市 shì) og tre fylke (县 xiàn).

Næringsliv

Xuchang er eit senter for tobakksindustrien i Kina. Området er elles kjent for sin eksport av hår.

Samferdsle

Jingguangbana, toglinja mellom Beijing i nord og Guangzhou i sør, har stoppestad her. Denne sterkt trafikkerte jarnbanelinja er også innom mellom andre Baoding, Shijiazhuang, Handan, Anyang, Zhengzhou, Wuhan, Changsha og Shaoguan.

Riksveg 107 i Kina går gjennom området. Han fører frå Beijing til Shenzhen og er innom provinshovudstadene Shijiazhuang, Zhengzhou, Wuhan, Changsha og Guangzhou. Også Kinas riksveg 311 går gjennom Xuchang. Han tek til i Xuzhou og går gjennom provinsen Anhui og vidare inn i Henan, der han endar opp i fylket Xixia.

Kjelder

• Denne artikkelen bygger på «Xuchang» frå Wikipedia på engelsk, den 27. desember 2012.

Bakgrunnsstoff

Commons har multimedium som gjeld: Xuchang

• Offisiell nettstad
  Denne geografiartikkelen er ei spire. Du kan hjelpe Nynorsk Wikipedia gjennom å utvide han.