You Won't See Me

You Won't See Me Song av The Beatles frå albumet Rubber Soul
Utgjeve	3. desember 1965
Innspelt	11. november 1965 Abbey Road Studios
Sjanger	Poprock
Lengd	3:22
Selskap	Parlophone
Komponist	John Lennon, Paul McCartney
Tekstforfattar	John Lennon, Paul McCartney
Låtskrivar(ar)	Lennon/McCartney
Produsent	George Martin

You Won't See Me Singel av Anne Murray frå albumet Love Song
A-side	He Thinks I Still Care
Språk	engelsk
Utgjeve	april 1974
Innspelt	januar 1974
Sjanger	Pop, country
Selskap	Capitol Records 3867
Komponist	John Lennon, Paul McCartney
Tekstforfattar	John Lennon, Paul McCartney
Låtskrivar(ar)	Lennon/McCartney
Produsent	Brian Ahren
Anne Murray-kronologi
«A Love Song» (1974)	You Won't See Me	«Son of a Rotten Gambler» (1974)

«You Won't See Me» er ein song av The Beatles, frå albumet Rubber Soul. Han er tilskriven Lennon/McCartney, men vart i røynda skriven av Paul McCartney. Dette er ein av få songar der McCartney syng lågare harmoni, medan Lennon og Harrison syng den høgare harmonien i lag.

Historie

Songen er om ei krise i forholdet til den dåverande kjærasten til McCartney, Jane Asher. Ho slutta å ringe attende til han og ignorerte han ein periode. Den meir bitande tonen i songen markerer ei endring frå tidlegare, lykkelegare kjærleikssongar. «You Won't See Me» vart innspelt under den siste innspelingsdagen for Rubber Soul. Med ei lengd på 3:22 var songen den lengste The Beatles hadde spelt inn til då og markerte ein trend Bob Dylan og andre starta på denne tida med å skrive lengre songar.

Mal «Organ» Evans (ein av roadieane til Beatles gjennom heile karrieren deira) spelte hammondorgel på denne songen.

Medverkande

• Paul McCartney – Solovokal, bass, piano
• George Harrison – korvokal, sologitar
• John Lennon – korvokal
• Ringo Starr – trommer, tamburin
• Mal Evans – Hammondorgel

Annne Murray-versjonen

I 1974 vart «You Won't See Me» ein stor hit for Anne Murray, og nådde 8. plass på Billboard Hot 100 og førsteplassen på Billboard Easy Listening singles-lista. Lennon fortalte Murray at versjonen hennar av «You Won't See Me» var hans favoritt av coverversjonane av Beatles-songar.

Salslister

Vekeslister Liste (1974) Plassering Australia Kent Music Report 49 Canada RPM Top Singles 5 Canada Adult Contemporary 4 New Zealand (Listener) 13 U.S. Billboard Hot 100 8 U.S. Billboard Adult Contemporary 1 U.S. Cash Box Top 100 8

Årslister Liste (1974) Plassering Canada Top Singles 72 U.S. Billboard Hot 100 54 U.S. Cash Box 48

Andre versjonar

Songen vart spelt inn av Bryan Ferry på albumet These Foolish Things i 1973. Robert Palmer spelte òg inn ein versjon av songen.

The Bee Gees spelte songen i Australia i 1966 og vart sidan gjeven ut på albumet Inception/Nostalgia i 1970, som berre vart gjeven ut i Tyskland, Frankrike og Japan.

Billy Joel nytta ein kort del av songen i hans «All You Wanna Do Is Dance».

Kjelder

• Denne artikkelen bygger på «You Won't See Me» frå Wikipedia på engelsk, den 11. april 2011.
  • Wikipedia på engelsk oppgav desse kjeldene:
• (2010) Plateomslagstekst for The Best...So Far. Capitol (ASIN: B000002TU5).
• MacDonald, Ian (2005). Revolution in the Head: The Beatles' Records og the Sixties (Second Revised utg.). London: Pimlico (Rand). ISBN 1-84413-828-3. 
• «You Won't See Me». The Beatles Bible. 2009. Henta 15 april 2009.