You av Tornike Kipiani
| «You» Song av Tornike Kipiani | ||
| Land | Georgia | |
| Språk | Engelsk | |
| Utgjeve | 15. mars 2021 | |
| Sjanger | Rock, poprock, bluesrock | |
| Lengd | 03:03 | |
| Selskap | Universal Music Denmark | |
| Låtskrivar(ar) | Tornike Kipiani | |
|---|---|---|
«You» (norsk 'du') er ein song frå 2021 som er komponert og vert framført av den georgiske songaren Tornike Kipiani. Songen vart utgjeven i mars 2021 og var det georgiske bidraget til Eurovision Song Contest 2021 i Rotterdam i Nederland.
Om songen
endreEtter å ha vunne den georgiske versjonen av Idol i januar 2020, vart Kipiani vald til å representere Georgia i Eurovision Song Contest 2020. EBU vedtok i midten av mars å avlyse Eurovision Song Contest på grunn av koronaviruspandemien. Nokre dagar etter avlysinga vedtok Georgias offentlege kringkasting at Kipiani skulle representere landet i Eurovision Song Contest 2021.[1]
1. mars 2021 kunngjorde den georgiske kringkastaren at Kipiani skulle framføre låten «You». Denne er skriven av Kipiani sjølv og vert skildra som ein song innan sjangrane rock, poprock og bluesrock. I tillegg til Tornike Kipiani deltok Gori jentekor, Aleko Berdzenishvili, Marian Shengelia og Mariko Lezhava på innspelinga. Songen vart utgjeven 15. mars.[2]
Det vart òg spela inn ein musikkvideo til songen, regissert av Temo Kvirkvelia.[3]
Eurovision Song Contest
endreGeorgia deltok i den andre semifinalen av Eurovision Song Contest, som vart arrangert i Rotterdam Ahoy i Rotterdam i Nederland torsdag 20. mai. «You» enda nest sist i semifinalen og kvalifiserte ikkje seg til finalen laurdag 22. mai 2021.[4][5]
Svenske Emilia Sandquist var kunstnarisk ansvarleg for sceneshowet til Georgia under tevlinga. Sandquist har tidlegare regissert sceneshow for fleire artistar i svenske Melodifestivalen.
Referansar
endre- ↑ «Eurovision Georgia: GPB confirms Tornike Kipiani as Eurovision 2021 Georgian act - ESCToday.com» (på engelsk). ESCToday. 19. mars 2020. Henta 1. mars 2021.
- ↑ «Latest news: North Macedonia sets a date 🇲🇰» (på engelsk). 1. mars 2021. Henta 1. mars 2021.
- ↑ «🇬🇪 Tornike Kipiani to sing 'You' at Eurovision 2021» (på engelsk). 1. mars 2021. Henta 1. mars 2021.
- ↑ «Eurovision 2021 Semi-final 2 Results». Henta 22. mai 2021.
- ↑ «Eurovision 2021 Georgia: Tornike Kipiani - "You"». Henta 1. mars 2021.
- Denne artikkelen bygger på «You (Tornike Kipiani-sang)» frå Wikipedia på bokmål, den 2. desember 2021.