666 av Aphrodite's Child

666 (The Apocalypse of John, 13/18) Studioalbum av Aphrodite's Child
Utgjeve	Juni 1972
Innspelt	Seint 1970 – tidleg 1971 (tre månader) Studio Europa-Sonor i Paris
Sjanger	Progressiv rock, psykedelisk rock, eksperimentell rock
Lengd	77:58
Selskap	Vertigo
Produsent	Vangelis Papathanassiou
Aphrodite's Child-kronologi
It's Five O'Clock (1969)	666 (The Apocalypse of John, 13/18)

666 (The Apocalypse of John, 13/18) er eit dobbeltalbum av den greske progrockgruppa Aphrodite's Child. Det kom ut i 1972 og vart i stor grad laga og produsert av Vangelis. Albumet er basert på passasjar frå Johannes' openberring i Bibelen, men både teksten og musikken er tidvis særs eksperimentell.

Det inneheld ein mindre radiohit, «The Four Horsemen» og songen «Break» vart òg gjeven ut på singel.

Bakgrunn

Tekstane til 666 vart skriven av Costas Ferris, som ikkje var med i gruppa. Musikken kombinerer psykedelisk og progressiv rock med etniske instrument, korsong, resitasjonar og bruk av elektroniske klaverinstrument. Plateselskapet Mercury Records protesterte mot lengda på dobbeltalbumet og dei musikalske eksperimenta, som sporet «∞» (uendeleg), der den greske skodespelarinna Irene Papas simulerer ein orgasme og repeterer orda «I was, I am, I am to come» over ein enkel perkusjon.

Forholdet mellom bandmedlemmane var ikkje god på denne tida, og det vart ikkje betre av den metodiske og langsame innspelingsprosessen. Det tok eit heilt år å spele inn plate på grunn av dei indre stridane.

Roussos var på veg til å starte sin eigen solokarriere, og hadde spelt inn og gjeve ut den første solosingelen sin, «We Shall Dance» (med Sideras på trommer) og det første soloalbumet sitt, On the Greek Side of My Mind, medan Vangelis spelte inn musikk for den franske fjernsynsdokumentaren L'Apocalypse des animaux i 1970 og arbeidde på ein singel med den dåverande kjærasten Vilma Ladopoulou, og spelte med Koulouris med pseudonymet «Alpha Beta».

I plateomslaget står det «Dette albumet vart spelt inn under påverknad av Sahlep.» Det er ikkje eit dopmiddel, men ganske enkelt ein varm drykk.

Utgjeving og mottaking

Meldingar
Karakter
Kjelde	Karakter
Allmusic
Mojo	positiv

Etter Roussos og Sideras alt hadde gjeve ut sine første soloalbum, gjekk Mercury med på å gje ut 666 på progrock-etiketten sin Vertigo Records, eitt år etter det var ferdig, og to år etter bandet hadde spelt inn sine delar. Singelen «Break» kom òg ut i 1972, og det same gjorde ei enkel vinylutgåve i Brasil, kalla Break.

Allmusic gav albumet nesten full pott, 4,5 av 5 stjerner, men skriv at «heile albumet kan verte for overveldande til å lytte til i ein eingong». IGN rangerte albumet på tredjeplass på lista deira over dei 25 beste progrockalbuma gjennom tidene. I Q & Mojo si spesialutgåve ‘’Pink Floyd & The Story of Prog Rock’’, hamna albumet på 40. plass på lista deira over «40 Cosmic Rock Albums».

Innhald

All tekst er skriven av Coastas Ferris; all musikk er komponert av Vangelis.

Side ein

Nr.	Tittel	Lengd
1.	«The System»	0:23
2.	«Babylon»	2:47
3.	«Loud, Loud, Loud»	2:42
4.	«The Four Horsemen»	5:53
5.	«The Lamb» (Instrumental)	4:34
6.	«The Seventh Seal»	1:30

Side to

Nr.	Tittel	Lengd
1.	«Aegian Sea»	5:22
2.	«Seven Bowls»	1:28
3.	«The Wakening Beast» (Instrumental)	1:11
4.	«Lament»	2:45
5.	«The Marching Beast» (Instrumental)	2:00
6.	«The Battle of the Locusts» (Instrumental)	0:56
7.	«Do It»	1:44
8.	«Tribulation» (Instrumental)	0:32
9.	«The Beast»	2:26
10.	«Ofis»	0:14

Side tre

Nr.	Tittel	Lengd
1.	«Seven Trumpets»	0:35
2.	«Altamont»	4:33
3.	«The Wedding of the Lamb» (Instrumental)	3:38
4.	«The Capture of the Beast» (Instrumental)	2:17
5.	«∞»	5:15
6.	«Hic and Nunc»	2:55

Side fire

Nr.	Tittel	Lengd
1.	«All the Seats Were Occupied»	19:21
2.	«Break»	2:59

Medverkande

Bandet

• Vangelis (Evangelos Odysseas Papathanassiou): klaverinstrument, orgel, piano, vibrafon, bass, fløyte, perkusjon, korvokal («Lament», «The Beast», «Break»)
• Demis Roussos (Artemiros Ventouris Roussos): vokal («Babylon», «The Four Horsemen», «Lament», «Hic et Nunc»), korvokal, bass, gitar
• Lucas Sideras: vokal («The Beast», «Break»), korvokal, trommer
• Silver Koulouris (Anargyros Koulouris): gitar, perkusjon

Gjestemusikarar

• Harris Halkitis: bass, tenorsaksofon, conga, perkusjon, korvokal
• Michel Ripoche: trombone, tenorsaksofon («Babylon», «Hic et Nunc»)
• Irene Papas: vokal («∞»)
• John Forst: engelsk forteljing
• Yannis Tsarouchis: gresk forteljing («Ofis»)
• Daniel Koplowitz: vokal («Loud Loud Loud»)
• Costas Ferris: tekstforfattar

Produksjon

• Hans Brethouwer: mastering
• Gerard Fallec: produksjonskoordinering
• Minoru Harada: produktmanager
• Roger Roche: lydteknikar
• Jean-Claude Conan: assisternade lydteknikar
• Hitoshi Takiguchi: mastering
• Kiyoshi Tokiwa: designar
• Vangelis Papathanassiou: produsent

Kjelder

• Denne artikkelen bygger på «666 (Aphrodite's Child album)» frå Wikipedia på engelsk, den 4. september 2014.
  • Wikipedia på engelsk oppgav desse kjeldene:

Bakgrunnsstoff

• Aphrodite's Child – 666 på Discogs