Al-Mazraa
Al-Mazraa (arabisk المزرعة, òg skrive al-Mazra'a eller al-Mezra'ah) er ein landsby sør i Syria i al-Suwayda guvernement, 12 kilometer nordvest for al-Suwayda. Av stader i nærleiken finn ein al-Hirak, Khirbet Ghazaleh og Da'el i vest og Umm Walad og Bosra i sør. I følgje Syrisk statistisk sentralbyrå (CBS), hadde al-Mazraa eit folketal på 2 596 i 2004. Byen er òg det administrative senteret i al-Mazraa nahiyah i al-Suwayda-distriktet som består av 12 landsbyar med eit samla folketal på 16 627.[1]
| Al-Mazraa | |||
| المزرعة | |||
| landsby | |||
| Land |  Syria
| ||
|---|---|---|---|
| Guvernement | Al-Suwayda guvernement | ||
| Distrikt | As-Suwayda-distriktet | ||
| Nahiyah | Al-Mazraa | ||
| Koordinatar | 32°46′58″N 36°29′0″E / 32.78278°N 36.48333°E | ||
| Folketal | 2 454 (2004)[1] | ||
| Tidssone | EET (UTC+2) | ||
 Al-Mazraa 32°46′58″N 36°29′00″E / 32.78277778°N 36.48333333°E | |||
  Kart som viser Al-Mazraa.
| |||
Historie
endreMidt på 1800-talet vart al-Mazraa skildra av den reisande Josias Leslie Porter som ein «liten ruinert landsby ... som har ei stor fontene.»[2] Han var busett av Ghawr-arabarar som slo leir på staden.[3]
Under drusaropprøret mot det osmanske styret og verneplikta i den osmanske hæren, leia den osmanske generalen Mustafa Pasha armeen sin til al-Mazraa der han møtte styrkane til Ismail al-Atrash, leiaren for drusarane. Sjølv om mennene til Atrash påførte armeen til Mustafa Pasha store tap, klarte osmanarane til slutt å erobre byen etter å ha fått forsterkingar. I oktober 1862 forhandla al-Atrash så ein avtale med dei osmanske styresmaktene, der al-Atrash skulle skattlegge drusarane og beduinane i Hauran på vegne av styresmaktene mot at drusarar sleppte unna verneplikta.[4]
Byen var åstad for slaget ved al-Mazraa under det store syriske opprøret mot den franske okkupasjonen. Franske styrkar, under general Roger Michaud, bestod av fem bataljonar infanteri, tre skvadronar kavaleri, i tillegg til pansra kjøretøy og artilleri. Dei vart angripen den 2. august 1925 av 500 drusarar og beduinar til hest, leia av sultan Pasha al-Atrash. Opprørarane tvang den franske armeen i full retrett og franskmennene gjekk på eit knusande nederlag. Sigeren til al-Mazraa var eit vendepunkt under opprøret, og inspirerte syriske nasjonalistar i hovudstaden og på landsbygda til å slå seg saman med drusarane i opprøret deira.[5]
Kjelder
endre- Denne artikkelen bygger på «Al-Mazraa» frå Wikipedia på engelsk, den 4. juli 2014.
- Wikipedia på engelsk oppgav desse kjeldene:
- Porter, Josias Leslie (1855). Five years in Damascus: including an account of the history, topography, and antiquities of that city : with travels and researches in Palmyra, Lebanon, and the Hauran 2. John Murray.
- Provence, Michael (2005). The Great Syrian Uprise and the Rise of Arabian Nationalism. Universitetet i Texas Press. ISBN 9780292706804.
- Socin, Albert (1912). Palestine and Syria, with routes through Mesopotamia and Babylonia and the island of Cyprus. Karl Baedeker.
- Weismann, Itzchak (2005). osmanske Reform and Muslim Regeneration. I.B.Tauris. ISBN 1850437572.
- ↑ 1,0 1,1 Folketeljing 2004 Arkivert 2020-09-25 ved Wayback Machine.. Syrisk statistisk sentralbyrå (CBS). Al-Suwayda guvernement. (arabisk)
- ↑ Porter, 1855, s. 212.
- ↑ Socin, 1912, s. 174.
- ↑ Weismann, 2005, s. 154.
- ↑ Provence, 2005, s. 63-64.