Alf Baartvedt
Alf Baartvedt (fødd 11. mars 1843 i Fusa, død 5. januar 1903 i Aukra)[1][2] var ein norsk prest og lærar.[3] Han blei peikt ut i Fedraheimen som «den fyrste Presten, som hev skrevet Skulebøkar paa Norsk.»[4]
| Alf Baartvedt | |
| Statsborgarskap | Noreg |
| Fødd | 11. mars 1843 Fusa kommune |
| Død |
5. januar 1903 (59 år) |
| Yrke | prest, lærar |
Bakgrunn og familie
endreAlf Baartvedt fødd på småbruket Baartvedt (no Bårtveit) i Fusa som son av Torkel Olsen Baartvedt og Kristi Olsdotter.[1][5] Han utdanna seg først til skulelærar på Stord (1861-63) og tok så latinskulen til Heltberg (1866-67), før han studerte teologi ved Universitetet i Kristiania (1867-71).[6]
Han var gift med Lilla Baartvedt.[2]
Arbeid og verk
endreBaartvedt arbeidde først som lærar heime på Fusa i to år. Som nyutddana prest verka han i Minnesota i USA frå 1872 til 1874. Han vende tilbake til Noreg og underviste ei tid ved Gjøvik Borgerskole.[7] Han hadde stillinga stiftskapellan i Trondheim frå 1877 til 1885, og var deretter sokneprest i Akerø (Aukra) i Romsdal frå 1885 til 1902.[6]
Baartvedt gjekk inn for venstrepolitikk, og var med på skipinga av fylkesparti for Møre og Romsdal.[8]
I 1882-83 gav Alf Baartvedt ut to kristne lærebøker på landsmål.
Verkliste
endre- Kristeleg barnelæra etter Luters katekisma (Kristiansund, 1882)
- Kristeleg tru og livnad : ei kortfattad lære-historisk handbok for skule og heim (Kristiansund, 1882/1883)
Kjelder
endre- Fotnotar
- ↑ 1,0 1,1 Ministerialbok for Os 1839-1851
- ↑ 2,0 2,1 Folketeljinga frå 1900, arkivert frå originalen 26. oktober 2015, henta 11. januar 2011
- ↑ aasentunet.no
- ↑ J. Vellesen, Omtale av Kristeleg Tru og Livnad... i Fedraheimen, 03.11.1883.
- ↑ Folketeljinga frå 1865, arkivert frå originalen 26. oktober 2015, henta 11. januar 2011
- ↑ 6,0 6,1 Luther College Archives, arkivert frå originalen 10. mars 2012, henta 11. januar 2011
- ↑ Folketeljinga i 1875, arkivert frå originalen 26. oktober 2015, henta 11. januar 2011
- ↑ Kristiansund Venstre 125 år ved venstre.no
Bakgrunnsstoff
endre- Kristeleg barnelæra etter Luters katekisma av Alf Baartvedt. Digital utgåve ved Nasjonalbiblioteket.
- Melding av Kristeleg barnelæra etter Luters katekisma i Fedraheimen (aasentunet.no)
- Melding av Kristeleg Tru og Livnad i Fedraheimen (aasentunet.no)