Amanoreke

Amanoreke (Caridina multidentata, tidlegare kjend som Caridinia japonica) er ein rekeart som finst i området rundt den japanske elva Yamato. I Noreg er dei mest kjend som gode algeetarar til bruk i ferskvassakvarium.

Amanoreke
Amanoreke
Status
Status i verda: Livskraftig
Systematikk
Rike:	Dyr Animalia
Rekkje:	Leddyr Arthropoda
Underrekkje:	Krepsdyr Crustacea
Klasse:	Storkreps Malacostraca
Orden:	Tifotkreps Decapoda
Familie:	Atyidae
Slekt:	Caridina
Art:	Amanoreke C. multidentata
Vitskapleg namn
Caridina multidentata Stimpson, 1860

Populærnamnet sitt har arten fått av den japanske akvaristen Takashi Amano, som populariserte bruken av dei som akvariedyr.

Kjenneteikn

Amanoreker har raudbrune prikkar på ein nesten gjennomsiktig bakgrunn, med ei kvit stripe langs ryggen. Augo er svarte. Hoa er større enn hannen, og har prikkane til ein viss grad organisert i linjer nedst på kroppen. Maksimal storleik er på rundt 5 cm.

Amanoreker i akvarium

Amanoreker er i utgangspunktet altetarar, men i akvarium klarar dei seg ofte med alger og rester etter fiskefor. Stundom et dei òg ekskrement frå fisk, og bidreg såleis til å halda akvariet reint. Skal ein halda amanoreker bør ein helst ha dei i grupper, både for å få meir effektiv algereinsking og for å unngå stress hjå dyra. Dei er ikkje aggressive mot fisk eller andre reker, men kan verta jakta på av større rovfisk.

Formeiring er vanskeleg, sidan larvane lever planktonisk og såleis står i fare for å bli etne av fisk eller vaksne reker.

Bakgrunnsstoff

• Akvaforum.no om amanoreker
• God artikkel om å halda amanoreke i akvarium Arkivert 2007-09-12 ved Wayback Machine.
• (en) Amanoreke – oversikt og omtale av artane i WORMS-databasen
• (en) Amanoreke i Encyclopedia of Life
• (en) Amanoreke i Global Biodiversity Information Facility
• (en) Amanoreke hos NCBI
• (en) Kategori:Caridina multidentata – bilete, video eller lyd på Wikimedia Commons
• (en) Caridina multidentata – galleri av bilete, video eller lyd på Wikimedia Commons
• Caridina multidentata – detaljert informasjon på Wikispecies