Andreas Cappelen

Andreas Zeier Cappelen (31. januar 1915–2. september 2008) var ein norsk politikar og jurist. Cappelen var statsråd i til saman nesten ti år.

Andreas Cappelen
Fødd	31. januar 1915 Vang
Død	2. september 2008 (93 år) Stavanger kommune
Yrke	dommar, diplomat, politikar, advokat
Andreas Cappelen på Commons

Han vart statsråd for fyrste gong i 1958 då han vart kommunalminister i Regjeringa Gerhardsen III. 4. februar 1963 overtok han som finansminister og sat fram til regjeringa vart felt på Kings Bay-saka i 1963. Nokre veker seinare vart han på nytt finansminister i Einar Gerhardsen si fjerde regjering, ein post han hadde fram til 1965. Då Trygve Bratteli tok over som statsminister i 1971 etter Regjeringa Borten si oppløysing vart Cappelen utnemnd til utanriksminister. Han hadde denne posten fram til Folkeavrøystinga om EF i 1972. Cappelen kom attende og var justisminister i Odvar Nordli si regjering frå 1979 til 1980.

Yrkeskarriere

Andreas Cappelen hadde også ei lang yrkeskarriere som jurist. Blant anna var han statsadvokat for landssviksaker i Rogaland i tida 1947 - 1949. I 1967 vart han byrettsdommar i Stavanger, der han også vart byrettsjustitiarius i 1969.

Andreas Cappelen døydde den 2. september 2008 i Stavanger.

Medlemskap i regjering

• Statsråd Kommunal- og arbeidsdepartementet 1. september 1958-4. februar 1963
• Statsråd Finansdepartementet 4. februar 1963-28. august 1963
• Statsråd Finansdepartementet 25. september 1963-12. oktober 1965
• Utanriksminister Utanriksdepartementet 17. mars 1971-18. oktober 1972
• Statsråd Justis- og politidepartementet 8. oktober 1979-3. oktober 1980

Kjelder

• Arbeiderpartikjempe er død – ABC nyheter
• «Andreas Cappelen». Stortinget.no. 

• Lambrecht Haugen: Cappelen-slekten 1627-2008, Rosendal 2008