Anne Gjevang
Anne Gjevang (fødd 24. oktober 1948 i Oslo) er ein norsk operasongar. Ho syng altstemme, og har ofte sunge i operaer av Wagner.[1]
| Anne Gjevang | |||
| Fødd | 24. oktober 1948 (76 år) | ||
|---|---|---|---|
| Fødestad | Oslo | ||
| Opphav | Noreg | ||
| Instrument | vokal | ||
| Stemmetype | alt | ||
| Verka som | musikar, operasongar | ||
Karriere
endreGjevang har si musikalske utdanning m.a. frå Santa Cecilia-konservatoriet i Roma. Ho blei uteksaminert derifrå i 1971, same året som ho heldt konsertdebuten sin som songarinne. Ho utdanna seg vidare ved musikkhøgskolen i Wien, der ho tok eksamen i 1973. Ho song i sin fyrste opera allereie i 1972, og har hatt ein lang og innhaldsrik karriere etter dette.
I Noreg har ho mellom anna sunge hovudrollene i både Frøken Julie og Carmen ved Den Norske Opera. På verdsbasis har ho sunge solo med både Berliner Philharmoniker, Chicago Symphony Orchestra og London Philharmonic Orchestra og opptredd i Metropolitan Opera i New York by, på La Scala i Milano, på operaen i Zürich, i Paris, på Royal Opera House i London[1] og på festspela i Bayreuth.
Anne Gjevang har også vore avløysande operasjef på Den Norske Opera frå Paul Curran gjekk av 1. januar 2012 til Per Boye Hansen overtok stillinga 1. august.[2]
Prisar og utmerkingar
endre- 1985/86: Kritikarprisen
- 1993: Lindemanprisen
Kjelder
endre«Anne Gjevang» i Store norske leksikon, snl.no.
Fotnotar
endre- ↑ 1,0 1,1 Profil hjå Wagneropera.no
- ↑ «Boye Hansen blir ny operasjef». Nrk.no. 26.09.2011. Henta 08.03.2014.