Anshan
Anshan (kinesisk skrift 鞍山; pinyin Ānshān) er eit byprefektur sentralt i den kinesiske provinsen Liaoning.[1] Byprefekturet har eit areal på 9 252 km², og hadde over 3,4 millionar ibuarar i 2010. I bykjerna bur over ein million menneske.[1] Anshan er ein viktig industriby for jern og stål i Kina.[1]
.png)
Historie
endreAnshan vart grunnlagt i 1387, festningsverk kring byen vart bygt på 1500-talet. Både under boksaropprøret i 1900 og under den japansk-russiske krigen i 1904-05 vart byen sterkt skada. Etter desse hendingane vart gjenoppbygd med breie gater.
Industrialisering tok til i 1918, og skaut kraftig fart under den japanske okkupasjon som begynte i 1931. Under andre verdskrigen utvikla japanarar den metallurgiske industrien i Anshan. Sovjetunionen demonterte og frakta vekk dei fleste stålverka i tida 1944-46. Gjenoppbygginga med moderne industrianlegg tok til tidleg i 1950-åra og var sluttført i 1956.
Geografi
endreAdministrajon
endreByprefekturet Anshan omfattar fire distrikt (区 qū), eitt byfylke (市 shì), eitt fylke (县 xiàn) og eitt autonomt fylke (自治县 zìzhìxiàn).
Næring
endreAnshan-området er rikt på jarn og magnesitt,[1] og det finst mange jarn- og kolgruver i byprefekturet. Sjølve byen Anshan har Kinas største jarn- og stålverkskompleks. Anshan er ein storprodusent av jarnbaneskinner, kablar og liknande stålprodukt, og har også industrianlegg for kjemikaliar, traktorar, maskineri, sement og papir, og oljeraffineri. Andre viktige næringsvegar er jadeproduksjon, jordbruk, jordvarme og turisme.[1]
Samferdsle
endreKinas riksveg 202 går gjennom området. Han tek til i Heihe i provinsen Heilongjiang, passerer gjennom Harbin og Shenyang, og endar opp i Dalian ved Gulehavet.
Kjelder
endre- Denne artikkelen bygger på «Anshan» frå Wikipedia på bokmål, den 13. april 2013.