Athena Manoukian
Athena Manoukian (fødd 22. mai 1994) er ein gresk songar og låtskrivar med armenske røter. Manoukian skulle ha representert Armenia i Eurovision Song Contest 2020 i Rotterdam i Nederland med låten «Chains on You», men 18. mars 2020 avlyste EBU Eurovision Song Contest på grunn av koronaviruspandemien i Europa vinteren 2020.[1]
| Athena Manoukian | |||
| Fødd | 22. mai 1994 (29 år) | ||
|---|---|---|---|
| Fødestad | Aten | ||
| Fødenamn | gresk Αθηνά Μανουκιάν (Athiná Manoukián), armensk Աթենա Մանուկեան (Atena Manukean | ||
| Opphav | Hellas | ||
| Aktiv | 2007– | ||
| Sjanger | pop, dansemusikk | ||
| Instrument | vokal | ||
| Verka som | songar, låtskrivar, komponist | ||
Bakgrunn endre
I 2007 vann Manoukian det greske talentshowet This Is What's Missing på Alpha Television Network Greece.[2] Året etter deltok ho i den greske nasjonale finalen til Junior Eurovision Song Contest 2008.med songen «To fili ti sin Aphroditis», der ho enda på ein sjuande plass.[3]
I 2011 slapp Manoukian debutsingelen sin «Party Like a Freak». Singelen fekk stor suksess i Hellas, og vart nominert til ein pris i greske Video Music Awards. I 2012 slapp ho oppfølgjarsingelen «I Surrender», etterfølgd av «Na Les Pos M'agapas» eit par månader seinare. Alle tre singlane selde til gull. I 2014 gav ho ut singelen «XO» på Warner/Chappell og Max Music Scandinavia, som også fekk stor suksess. Under Armenian Pulse Awards vann Manoukian pris i klassa «beste engelskspråklege song».[2]
Som låtskrivar har Manoukian skrive ei rekkje låtar for andre artistar. I 2017 skreiv og komponerte ho låten «Palia mou agapi» som vart sungen av Elena Paparizou, vinnaren av Eurovision Song Contest 2005.[4] I 2018 deltok Manoukian i britiske X Factor, men vart slått ut av tevlinga under den såkalte bootcamp.[5]
15. februar 2020 vann Athena Manoukian Depi Jewratessil 2020, den armenske nasjonale finalen til Eurovision Song Contest. Med songen «Chains on You» skulle Manoukian ha representert Armenia i Eurovision Song Contest i den andre semifinalen torsdag 14. mai 2020 i Rotterdam.[6][7] Men på grunn av koronavirusutbrotet i Europa vinteren 2020 vedtok EBU å avlyse tevlinga for å hindra spreiing av koronaviruset SARS-CoV-2 og den medfølgjande sjukdomen COVID-19.[8]
Diskografi endre
Singlar endre
- 2011: «Party Like a Freak» (med DJ Kas)
- 2012: «Na les pōs m' agapas»
- 2012: «I Surrender»
- 2014: «XO»
- 2020: «Chains on You»
Kjelder endre
- ↑ Granger, Anthony (20. mars 2020). «Belgium: Hooverphonic Will Compete At Eurovision 2021» (på engelsk). Henta 20. mars 2020.
- ↑ 2,0 2,1 PeoplePill. «Athena Manoukian: Singer - Biography and Life» (på engelsk). Henta 19. februar 2020.
- ↑ «Armenia 2015: Athena Manoukian to Vienna?» (på engelsk). 29. januar 2015. Henta 19. februar 2020.
- ↑ Newsroom (12. september 2018). «Αθηνά Μανουκιάν: ποια είναι η Ελληνίδα που ενθουσίασε τη Βρετανία στο X Factor» (på gresk). Henta 19. februar 2020.
- ↑ «Armenia: Athena Manoukian among competing acts of Depi Evratesil 2020» (på engelsk). 28. januar 2020. Henta 19. februar 2020.
- ↑ «It’s Athena Manoukian for Armenia!». eurovision.tv. 15. februar 2020. Henta 19. februar 2020.
- ↑ «Armenia: Athena Manoukian med 2500 mindre stemmer bak vinneren av telestemmene!» (på norsk bokmål). Henta 19. februar 2020.
- ↑ Svendsen, Maiken (18. mars 2020). «Eurovision Song Contest avlyst» (på norsk bokmål). Henta 20. mars 2020.
- Denne artikkelen bygger på «Athena Manoukian» frå Wikipedia på bokmål, den 18. november 2021.