Attersee

Attersee (òg kalla Kammersee) er den største innsjøen i Salzkammergut-området i Austerrike. Han strekkjer seg om lag 20 km frå nord til sør og 4 km frå aust til vest. Tilsiget er frå elva Seeache, som renn ut av ein annan innsjø, Mondsee. Höllengebirge (som ordrett tyder «Helvetesfjellet»), med ei høgd på opp til 1 800 m, ligg søraust for innsjøen. Sørvest for innsjøen ligg fjellet Schafberg («Sauefjellet», 1 782 m).

Attersee
innsjø
Land	Austerrike
Tilsig	Seeache
Utløp	Ager
Høgd over havet	467 moh.
Lengd	20 km
Breidd	4 km
Areal	45,9 km²
Største djupn	171 m
Koordinatar	47°54′N 13°33′E
Byar	Seewalchen, Schörfling, Weyregg, Steinbach, Unterach, Nußdorf, Attersee
Attersee 47.86583°N 13.545°E / 47.86583; 13.545
Wikimedia Commons: Attersee

Ved Litzlberg ligg det ei lita øya med ein herregard, som den austerrikske målaren Gustav Klimt ofte vitja om sommaren.

På grunn av jamn vind og reint vatn trekkjer Attersee til seg mange seglarar og symjarar. Om sommaren er det fleire seglekonkurransar her.

Ein av vindane ein set mest pris på ved Attersee er den såkalla «Rosenwind» (vinden frå rosene). Det er ein austleg vind som bles over ein rosehage til eit slott i nærleiken og fyller lufta med lukta av roser.

Sidan innsjøen er stor og djup frys han sjeldan til om vinteren, trass i låge temperaturar. Sist gong innsjøen var tilfrosen var seint på 1940-talet.

Soge

I august 1870 fann ein restane etter pålelandsbyar ved Seewalchen, nær den nordlege enden av innsjøen. På midten av 1800-talet brukte ein hjuldamparar til å frakte post, gods og passasjerar mellom dei landsbyane ved innsjøen. I dag er området ein viktig avkoplingsstad for folk frå urbane område som Wien og Linz.

Utsyn frå fjellet Hochlecken

Attersee med Höllengebirge

Fiskar

Ein finn følgjande fiskar i innsjøen:

• gjedde
• aure
• regnbogeaure
• røye
• europeisk ål
• karpe
• lake
• åbor
• sik

Bakgrunnsstoff

• Attersee-skip Arkivert 2003-07-21 ved Wayback Machine.