Bernhardkreps
Bernhardkreps (Pagurus bernhardus eller Eupagurus bernhardus) er den vanlegaste arten i eremittkrepsfamilien langs den europeiske atlanterhavskysten. Han vert litt over 35 mm lang og finst i fjæra frå Svalbard og Island i nord til Portugal i sør. Som andre eremittkrepsar manglar han det harde skalet andre krepsdyr har, og bur difor i sniglehus som han konstant skifter ut.
| Bernhardkreps | |
 Bernhardkreps | |
| Systematikk | |
| Rike: | Dyr Animalia |
| Rekkje: | Leddyr Arthropoda |
| Underrekkje: | Krepsdyr Crustacea |
| Klasse: | Storkreps Malacostraca |
| Orden: | Tifotkreps Decapoda |
| Familie: | Eremittkreps Paguridae |
| Slekt: | Pagurus |
| Art: | Bernhardkreps P. bernhardus |
| Vitskapleg namn | |
| Pagurus bernhardus | |
I delar av utbreiingsområdet lever eremittkrepsen symbiotisk med sjøanemoner som Calliactis parasitica (i varmt vatn) eller Hormathia digitata (i kaldt vatn). Desse beskytter krepsen mot predatorar med neslecellene sine, og får til gjengjeld nyta godt av restane frå måltid krepsen inntek. Eremittkreps er åtseletarar som hovudsakleg et animalsk føde.
