Breathe av Vladana Vučinić
| «Breathe» Song av Vladana Vučinić | ||
 | ||
| Land | Montenegro | |
| Språk | Engelsk | |
| Utgjeve | 4. mars 2022 | |
| Sjanger | Pop, ballade | |
| Lengd | 03:00 | |
| Selskap | Dimitrov | |
| Komponist | Darko Dimitrov | |
| Låtskrivar(ar) | Vladana Vučinić, Darko Dimitrov | |
|---|---|---|
«Breathe» (norsk omsetjing 'pust') er ein kraftballade frå 2022 som vert framført av den montenegrinske songaren og låtskrivaren Vladana Vučinić. Songen vart internt vald av Radio i televizija Crne Gore (RTCG) som det montenegrinske bidraget til Eurovision Song Contest 2022 i Torino i Italia.
Om songen
endre«Breathe» er skriven av Vučinić selv, saman med Darko Dimitrov, som også stod for produksjonen og miksinga.[1][2] Dimitrov hadde tidlegare skrive låten «Proud», som Tamara Todevska vann juryavrøystinga med i 2019.
Ifølgje Vučinić er teksta basert på ei «vanskeleg prøving» som ho og familien hennar gjekk gjennom i 2021, og kjenslene hennar vart til tekst og musikk.[3] Ho skildrar «Breathe» som ein kjensletung, mektig og melankolsk song.[3]
«Breathe» var eit av 30 bidrag som kringkastaren RTCG mottok til arbeidet med å finne det montenegrinske bidraget til Eurovision Song Contest 2022.[4] Ein jury på ti medlemmar plukka ut «Breathe» som vinnar, og låten vart utgjeven 4. mars 2022. Vučinić framførte songen live fyrste gong under ein konsert i Stockholm ei veke seinare.[5]
«Breathe» deltok i den andre semifinalen av Eurovision Song Contest torsdag 12. mai. Songen vart nummer 17 av 18 i semifinalen og kvalifiserte seg ikkje til finalen laurdag 14. mai.[6]
Kjelder
endre- ↑ Rossini, Federico (4. januar 2022). «Eurovision 2022: il Montenegro sceglie Vladana Vucinic» (på italiensk). Henta 15. mars 2022.
- ↑ Vladana på Instagram (4. januar 2022). «Poštovani svi, ...». www.instagram.com. Henta 15. mars 2022.
- ↑ 3,0 3,1 «Vladana Vucinic says Eurovision 2022 song "Breathe" will carry a message "heard beyond the Balkans"». wiwibloggs (på engelsk). 5. januar 2022. Henta 4. mars 2022.
- ↑ «Montenegro receives record number of entries! 🇲🇪». Eurovision.tv (på engelsk). 16. desember 2021. Henta 15. mars 2022.
- ↑ «🇲🇪 Montenegro: First Live Performance of "Breathe"». Eurovoix (på engelsk). 12. mars 2022. Henta 15. mars 2022.
- ↑ «Second Semi-Final of Turin 2022». Eurovision.tv (på engelsk). Henta 19. juni 2022.
- Denne artikkelen bygger på «Breathe» frå Wikipedia på bokmål, den 5. desember 2022.