Brunkinnskogtrast

art av sporvefuglar
(Omdirigert frå Catharus ustulatus)
Brunkinnskogtrast
Brunkinnskogtrast Foto: Matt Reinbold
Brunkinnskogtrast
Foto: Matt Reinbold
Utbreiing og status
Status i verda: LC Livskraftig██ Hekkeområde██ Trekkområde██ Overvintring
██ Hekkeområde██ Trekkområde██ Overvintring
Systematikk
Underrekkje: Virveldyr Vertebrata
Klasse: Fuglar Aves
Orden: Sporvefuglar Passeriformes
Parvorden: Passerida
Overfamilie: Muscicapoidea
Familie: Trastefamilien Turdidae
Slekt: Catharus
Art: Brunkinnskogtrast C. ustulatus
Vitskapleg namn
Catharus ustulatus

Brunkinnskogtrast (Catharus ustulatus) er ein fugl i trastefamilien som hekkar i Nord-Amerika. Han er ein langdistansetrekkfugl med overvintring i Mellom-Amerika og i Sør-Amerika.

Brunkinnskogtrast er mykje lik gråkinnskogtrast i storleik og utsjånad, og har i stor grad overlappande utbreiing.

Skildring endre

 
Foto frå South Padre Island, Texas
Foto: TonyCastro

Brunkinnskogtrast er ein liten trast, ca. 16–20 centimeter i kroppslengd, og kroppsvekt på 25–37 gram.[1] Fargene i fjørdrakta er mykje som ein måltrast i Europa, olivenbrun overside, nesten kvit underside med mørke markeringar som blir lysare bakover sidene. I motsetnad til måltrasten har skogtrastane breie lengdestriper på undervengen i kvitt og mørkt, der måltrasten er einsfarga rustgul. Brunkinnskogtrast kan skiljast frå gråkinnskogtrast med litt tydelegare augering og meir markert teikna kinnparti.[2]

Brunkinnskogtrast er ein amerikansk trasteart som hekkar i Alaska, austover i eit breitt belte over nordlege Canada til og med Newfoundland. Dessutan i dei nordaustlegaste statar av USA og i vestlege statar, og sørover langst stillehavskysten til sørlegste California. Overvintring skjer i Mellom-Amerika frå sørlege Mexico, og i vestlege Sør-Amerika langs og på begge sider av Andes sør til nordvestre Argentina.[1]

Hekking skjer i skogshabitat hovudsakleg i barskog, men òg i blanda lauvskog. Om vinteren kan dei òg leve i meir opne område, vanlegvis under ca. 2000 moh.[1]

Føda er mange typar leddyr og frukt, og dei beitar i tre lågt over bakken. Om vinteren kan dei beite på frukt i flokkar, somme tider i fleirartsflokkar.[1]

Spontant i Noreg

Det er samla fem observasjonar av brunkinnskogtrast i Noreg, alle om hausten.[3] Den siste registreringa er frå Utsira i Rogaland i oktober 2019.[4] Ca. 75 andre registreringar er gjort i Europa, dei fleste i Storbritannia og dei fleste av desse i oktober månad.

Taksonomi

Artstaksonet som det er skildra her er per EBird/Clements Checklist v2019,[5] og det inkluderer seks underartar: C. u. ustulatus, C. u. phillipsi, C. u. oedicus, C. u. incanus, C. u. appalachiensis, og C. u. swainsoni. Dei tre sistnemnde underartane er skilt ut som enda eit artstakson Swainson's Thrush (Catharus swainsoni) Tschudi, 1845, hos andre autoritetar, slik som hos HBW Alive og IUCN.[6]

Kjelder endre

  • del Hoyo, J., Collar, N. & Marks, J.S. (2019) Swainson's Thrush (Catharus swainsoni) I: del Hoyo, J., Elliott, A., Sargatal, J., Christie, D.A. & de Juana, E. (red.). Handbook of the Birds of the World Alive. Lynx Edicions, Barcelona. Henta den 14. september 2019
  • Collar, N., Christie, D.A. & Marks, J.S. (2019) Russet-backed Thrush (Catharus ustulatus) I: del Hoyo, J., Elliott, A., Sargatal, J., Christie, D.A. & de Juana, E. (red.). Handbook of the Birds of the World Alive. Lynx Edicions, Barcelona. Henta den 14. september 2019
Referansar
  1. 1,0 1,1 1,2 1,3 Artiklane om C. ustulatus og C. swainsoni i HBW Alive
  2. Svensson, Lars et al (2011). Gyldendals store fugleguide. Gyldendal norsk forlag. ISBN 9788205418820.
  3. «Artsobservasjoner - rapportsystem for arter i Norge». Henta 14. september 2019. 
  4. Torborg Berg, Magiske dager på Utsira høsten 2019, Vår fuglefauna: medlemstidsskrift for Norsk ornitologisk forening 42 (2019), nr. 4, side 228-232
  5. Schulenberg T.S.; M. J. Iliff; S. M. Billerman; B. L. Sullivan; C. L. Wood; T. A. Fredericks. (august 2019), eBird/Clements Checklist v2019 (CSV), Cornell Lab of Ornithology 
  6. BirdLife International (2019) Søk på Catharus . Henta frå http://www.birdlife.org den 15. september 2019

Bakgrunnsstoff endre

  Commons har multimedium som gjeld: Brunkinnskogtrast