Celeste Holm
Celeste Holm (fødd 29. april 1917 i New York i delstaten New York, død 15. juli 2012) var ein amerikansk skodespelar med norske røter.
| Celeste Holm | |||
 I filmen Alt om Eva frå 1950. | |||
| Fødd | 29. april 1917 | ||
|---|---|---|---|
| Fødestad |  New York i delstaten New York | ||
| Død | 15. juli 2012 (95 år)[1] | ||
| Far | Theodor Holm | ||
| Ektefelle | Ralph Nelson (1938–1939) Francis Davies (1940–1942) A. Schuyler Dunning (1946–1952) Wesley Addy (1961–1996) Frank Basile (2004–) | ||
| Prisar | Den Kongelege Norske St. Olavs Ordenen, Oscar for beste kvinnelige birolle, stjerne på Hollywood Walk of Fame | ||
Holm var einebarn. Mor hennar, Jean Parke, var ein amerikanske portrettmålar og forfattar. Faren var Theodor Holm, ein forsikringsmann som voks opp på Hå gamle prestegard på Jæren, men som i ung alder emigrerte til USA og seinare utførte arbeid for Lloyd's of London. Holm gjekk på skule i Nederland, Frankrike og USA, og tok song- og ballettimar som barn. Ho studerte drama ved University of Chicago og debuterte på scena som 17-åring. Holm debuterte på Broadway i 1938 og hadde stor suksess i 1942 med rolla som Ado Annie i musikalen Oklahoma!. Ho debuterte på film i 1946, og året etter vann ho Oscar for beste kvinnelege birolle for rolla si som Anne i filmen Mellom gentlemenn. Holm har vorte Oscar-nominert tre gonger og har også opptredd på TV, scene og nattklubbar. Ho engasjerte seg for sosial rettferd i mange år som talskvinne for UNICEF.
Holm har fått to stjerner på Hollywood Walk of Fame. I 1979 vart ho utnemnd til riddar av 1. klasse av St. Olavs Orden for å ha fremja norsk kultur i USA.[2]
Personleg liv
endreCeleste Holm var gift fem gonger. Den første ektemannen hennar var Ralph Nelson, som ho gifta seg med i 1936.[3] Sonen deira Ted Nelson (f. 1937), blei oppseda av foreldra hennar og blei seinare ein internettpironer og sosiolog. Ekeskapet enda i 1939.[4]
7. januar 1940 gifta Holm seg med Francis Emerson Harding Davies, ein engelsk revisor. Davies var katolikk, og Holm gjekk over til trua før giftarmålet. Ekteskapet blei oppløyst 8. mai 1945.[5]
Frå 1946 til 1952 var Holm gift med A. Schuyler Dunning som dreiv med flyselskap-PR. Dei fekk sonen Daniel Dunning.[6]
Frå 1961 til 1996 var ho gift med skodespelaren Wesley Addy. Han døydde i 1996, 83 år gammal.
Celeste Holm gifta seg for femte gong på 87-årsdagen sin med den 41-årige operasongaren Frank Basile.[7] Paret hadde møtt kvarandre i oktober 1999 på ei velgjerartilstelling.
Filmar
endre(Utval)
- 1947 – Mellom gentlemenn
- 1950 – Alt om Eva
- 1956 – Fint folk flørter
Kjelder
endre- ↑ Den norskættede skuespillerinnen Celeste Holm er død, ABC Nyheter 15. juli 2012, arkivert frå originalen 17. juli 2012, henta 15. september 2012
- ↑ «Ridder av St. Olav», Aftenposten, morgonutgåva, 21. mai 1979, s. 10.
- ↑ Celeste Holm profile at www.superiorpics.com[daud lenkje]
- ↑ John Leland (July 2, 2011). «Love and Inheritance: A Family Feud». New York Times. Henta 4. juli 2011.
- ↑ Holm profile at www.superiorpics.com[daud lenkje]
- ↑ Staff writers (12. mai 1952). «Births, deaths, marriages, divorces». Time. Arkivert frå originalen 12. mars 2009. Henta 15. mai 2008.
- ↑ Jones, Kenneth (30. april 2004). «December Bride: Shocking Guests, Celeste Holm Marries Beau at 85th Birthday Party». Playbill.
- Denne artikkelen bygger på «Celeste Holm» frå Wikipedia på bokmål, den 15. september 2012.
Bakgrunnsstoff
endre
Wikimedia Commons har multimedia som gjeld: Celeste Holm
