Crying av Roy Orbison
| Crying Singel av Roy Orbison frå albumet Crying | ||
| B-side |
«Candy Man» | |
|---|---|---|
| Språk | engelsk | |
| Utgjeve | 31. juli 1961 | |
| Innspelt | 1961 | |
| Sjanger | Poprock | |
| Lengd | 2:46 | |
| Selskap | Monument 447 | |
| Komponist | Roy Orbison, Joe Melson | |
| Tekstforfattar | Roy Orbison, Joe Melson | |
| Låtskrivar(ar) | Roy Orbison, Joe Melson | |
| Produsent | Fred Foster | |
| Roy Orbison-kronologi | ||
| «Running Scared» (1961) |
Crying | «Dream Baby (How Long Must I Dream)» (1962)
|
«Crying» er ein ballade skriven av Roy Orbison og Joe Melson og framført av Orbison.
Komposisjon endre
Dave Marsh kallar songen ein «rock-bolero» med «strykarar, hamrande pauker, eit spøkjelsesaktig kor, lett klimprande gitar og eit hit av marimba».[1] Medverkande på den originale innspelinga til Orbison var dei faste studiomusikarane hans Bob Moore på bass, Floyd Cramer på piano, Buddy Harman på trommer og Boudleaux Bryant, Harold Bradley & Scotty Moore på gitar.
Allmusic skreiv om songen: «Ikkje under noko omstende må ein finne på å lytte til Roy Orbison sin 'Crying' om ein er sjølv eit snev deprimert. Sorga, angeren og den evige fordømminga til eit liv drukna i tårer som Orbison på levande vis tilbyr med vokalbravur som tar pusten frå ein, kan bli så overveldande at ein kan få seg til å gjere slutt på alt saman. For meir stabile typar er 'Crying' rett og slett ein vakker, men hjarteskjerande ballade som opnar med ein harmlaus rytme på tom-tommar og akustisk gitar, og byggjer seg gradvis opp med strykarar og ein stor dose melodramatisk intensitet til eit klimaks av aldeles rystande proporsjonar. Orbison bankar inn ein makelaus høg tone på slutten.»[2]
Utgjeving og mottaking endre
Songen vart gjeven ut som singel av Monument Records i juli 1961 og nådde førsteplassen på Cashbox-lista i USA den 7 . oktober 1961. Han nådde andreplassen på den rivaliserande Billboard Hot 100-lista. Trass i at han ikkje nådde toppen av lista, rangerte Billboard songen som den fjerde beste for 1961.[3]
I 1987 spelte Orbison inn songen på ny som ein duett med K.D. Lang som ein del av filmmusikken til Hiding Out. Dette samarbeidet gav dei ein Grammy-pris for beste country-samarabeid med vokal. Duetten vart ein mindre hitt i USA og nådde 42. plassen på Hot Country Singles-lista,[4] men vart ein langt større hit i Storbritannia i 1992, då han nådde 13. plassen på UK Singles Chart.
I 2002 fekk «Crying» plass i Grammy Hall of Fame Award. I 2004 rangerte Rolling Stone Magazine songen på 69. plassen på lista si over dei 500 beste songane gjennom tidene. På den oppdaterte lista i 2010 hadde songen same plasseringa.
Lister endre
| Liste (1961) | Plassering |
|---|---|
| U.S. Billboard Hot 100 | 2 |
| UK Singles Chart | 23 |
| Australia | 1 |
| Canada | 3 |
Andre versjonar endre
- I 1962 gav Waylon Jennings ut sin versjon (med «Dream Baby (How Long Must I Dream)») for BAT Records som ein av dei første singlane hans.
- Del Shannon spelte inn songen i 1964 for albumet Handy Man.
- Ein versjon av Jay and the Americans nådde 25. plassen i USA i 1966.
- Dottie West spelte inn songen i 1968 på albumet What I'm Cut Out to Be.
- Lynn Anderson spelte inn songen i 1968 på albumet Big Girls Don't Cry.
- B.J. Thomas spelte inn songen i 1975 for albumet Reunion
- Don McLean spelte inn songen og nådde 5. plassen på Hot 100 med versjonen sin tidleg i 1981,[5] 2. plassen på Adult Contemporary, 6. plassen på countrylista og førsteplassen på UK Singles Chart.[6] Han kom først ut i 1978 på albumet Chain Lightning.
- Den brasilianske duoen Chitãozinho & Xororó framførte ein portugsiskspråkleg versjon av songen kalla «Lágrimas» i 1998 på albumet Na Aba do Meu Chapéu.
- Gene Pitney hadde med songen i 1999 på albumet album Gene Pitney Sings Great Ballads.
- Rebekah Del Rio framførte ein acappella spanskspråkleg versjon av songen kalla «Llorando» i David Lynch-filmen Mulholland Drive i 2001.[7]
- Den belgiske songaren Dana Winner spelte inn ein versjon i 2002 på albumet Unforgettable Too
- Den sørafrikanske songaren Nicholis Louw framførte songen i 2004.[8]
- I 2007 gav Billy Gilman songen ut på singel.
- Clay Aiken spelte inn songen med Linda Eder i 2010 på albumet Tried and True.
- La India spelte songen i salsastil i 2010 på albumet Unica.
- Il Divo song songen i 2011 på albumet Wicked Game.
- Austra spelte inn ein versjon i 2011 for deluxe-utgåva av albumet Feel It Break.
- Billy Joe Royal spelte inn songen.
- Tre andre countryversjonar har gått inn på countrylistene gjennom åra:
- Arlene Harden (#28 i 1970),[9]
- Ronnie Milsap (#79 i 1976)[10]
- Stephanie Winslow (#14 i 1980).[11]
I andre media endre
- Mitt Romney nemnde songen som ein av favorittsongane hans i mars 2012.[12]
- I 2011 var «Crying» med i den amerikanske komedien 50/50.[13]
- «Crying» vart nytta i ein episode av Only Fools and Horses.
- «Crying» er med i den australske TV-filmen Small Claims
- «Crying» vart nytta i filmen Gummo.
- «Llorando» vart nytta i avslutninga av Prison Break, sesong 3, og i ein kjend scene i Mulholland Drive.
Kjelder endre
- Delar av denne artikkelen bygger på «Crying (Roy Orbison song)» frå Wikipedia på engelsk, den 21. februar 2015.
- ↑ Marsh, Dave (1999). The Heart of Rock & Soul: The 1001 Greatest Singles Ever Made. Da Capo Press. s. 75–76. ISBN 030680901X.
- ↑ «Crying» på Allmusic
- ↑ Billboard Year-End Hot 100 singles of 1961
- ↑ Whitburn, Joel (2008). Hot Country Songs 1944 to 2008. Record Research, Inc. s. 305. ISBN 0-89820-177-2.
- ↑ «Billboard Hot 100 Chart History : «Crying» - Don McLean». Song-database.com. Henta 21. februar 2015.
- ↑ Roberts, David (2006). British Hit Singles & Album (19th utg.). London: Guinness World Records Limited. s. 382. ISBN 1-904994-10-5.
- ↑ Taubin, Amy (September–October 2001). «In Dreams», Film Comment, 37 (5), s. 51–55.
- ↑ «Covers by Nicholis Louw». WhoSampled. Henta 21. februar 2015.
- ↑ Whitburn, s. 179
- ↑ Whitburn, s. 279
- ↑ Whitburn, s. 472
- ↑ «Mitt Romney names the greatest tunes off all time». Politico. Henta 21. februar 2015.
- ↑ «IMDB soundspor list for the movie 50/50». IMDb.com. 2011. Henta 21. februar 2015.
Bakgrunnsstoff endre
| 70: «Walk On By» Dionne Warwick |
Plassering på lista til Rolling Stone frå 2010 over dei 500 beste songane gjennom tidene 69 «Crying» Roy Orbison |
68: «Tangled Up in Blue» Bob Dylan |