Dale i Sunnfjord
- For andre tydingar av oppslagsordet, sjå Dale.
Dale er kommunesenter i Fjaler kommune i Sunnfjord i Vestland fylke. Bygda ligg ved Dalsfjorden, og har 1 220 innbyggjarar per 1. januar 2017. Bygda er kommunesenteret i Fjaler og har dermed kommunehuset med kontor til administrasjonen. I desember 2013 opna Dalsfjordbrua som knyter saman Askvoll kommune og Fjaler kommune.
| Dale | |||
| stad | |||
 Dale i Sunnfjord (Panorama)
| |||
| Land |  Noreg
| ||
|---|---|---|---|
| Fylke | Vestland | ||
| Kommune | Fjaler | ||
| Areal | 1,09 km² | ||
| Folketal | 1 220 (2022) | ||
| Folketettleik | 1 119 / km² | ||
| Postnummer | 6963 DALE I SUNNFJORD | ||
| Preposisjon | i Dale | ||
 Dale i Sunnfjord | |||
| Wikimedia Commons: Dale (Fjaler) | |||
Kultur og industri endre
I Dale finn ein Klokkargarden, fødestad åt diktaren Jakob Sande, Nordisk Kunstnarsenter på Dalsåsen og designstudioet Ralston & Bau og idéfabrikken Transplant. I tillegg så driv Dale Ungdomsslag Fjaler Kino på frivillig basis. Kinoen held til i ungdomshuset Trudvang som ligg langs fv. 57 mellom Dale sentrum og Dingemoen skule.
Utdanning endre
Dale har vore utdanningssentrum for området i mange år, og i dag finn ein Dingemoen barneskule, Fjaler ungdomsskule og Dale vidaregåande skule i bygda.
Transport endre
Frå rutebilstasjonen i Dale sentrum går det fleire bussar mellom anna til Førde og Bergen via Riksveg 57 eller snøggbåt. Bygda ligg 25 min frå Førde lufthamn, Bringeland.
Dalsfjordsambandet endre
I desember 2013 opna Dalsfjordbrua for trafikk. Den knyter saman Fjaler kommune med Askvoll kommune. Dalsfjordsambandet består av ny fylkesveg nummer 609 frå Eikenes til Nishammaren i Dale og ny fylkesveg nummer 57 frå Fjaler Sjukeheim til Sætenes. Dalsfjordsambandet inneheld tre nye tunnelar, der to av tunnelane ligg i Askvoll kommune og den siste ligg i Fjaler kommune, og sist men ikkje minst Dalsfjordbrua over Dalsfjorden. Desse tre tunnelane heiter Dalsfjordtunnelen, Ottersteintunnelen og Nishammartunnelen. Nishammartunnelen ligg i Fjaler kommune og er ein av få tunnelar i Noreg med rundkøyring inne i fjellet.
Folketalsutvikling endre
| Folketalsutvikling i Dale | ||||
|---|---|---|---|---|
| År | Innbyggjarar | |||
| 1920 | 206 | |||
| 1930 | 463 | |||
| 1946 | 666 | |||
| 1950 | 728 | |||
| 1960 | 813 | |||
| 1970 | 967 | |||
| 1980 | 924 | |||
| 1990 | 935 | |||
| 2000 | 905 | |||
| 2009 | 980 | |||
| 2012 | 1 063 | |||
| Kjelder: SSB: Norske folketeljingar | ||||
Kjelder endre
- http://www.dalsfjordbrua.no/ Arkivert 2014-02-01 ved Wayback Machine.