Dragutin Topić

Dragutin Topić (fødd 12. mars 1971) er ein serbisk tidlegare friidrettsutøvar og basketballspelar frå Beograd, som tevla i høgdehopp for Jugoslavia og seinare Serbia. Han vart europameister i høgdehopp i 1990, og deltok i internasjonale meisterskap i 23 år.

Dragutin Topić
Verkeleg namn	Драгутин Топић
Statsborgarskap	Serbia, Den sosialistiske føderale republikken Jugoslavia
Fødd	12. mars 1971 (53 år) Beograd
Idrett	friidrett
Tok del i	Sommar-OL 2008, Sommar-OL 2012, Sommar-OL 2004, Sommar-OL 2000, Sommar-OL 1996, Sommar-OL 1992

Aktiv

Topić sette verdsrekord i høgdehopp for juniorar med 2,37 meter då han vann VM for juniorar i Plovdiv sommaren 1990. Tre veker seinare tok han gullmedaljen i EM i 1990 i Split. Han fekk meistertittelen med 2,34 m, ettersom han hadde færre riv i tevlinga enn Aleksej Jermelin frå Sovjetunionen og Georgi Dakov frå Bulgaria.

I 1993-sesongen forbetra Topić den nasjonale rekorden til 2,38 m, men mislukkast totalt i kvalfiseringa under VM i friidrett. To år seinare vann han høgdetevlinga under universiaden, men vart nummer åtte i VM i Göteborg. Våren 1996 vann han innandørs-EM i Stockholm, medan han sommaren 1996 var med i medaljekampen under OL i Atlanta, der han vart nummer fire med 2,32 m.

Topić vart nummer fire med 2,32 m også i friidretts-VM 1999 i Sevilla, bronsemedaljen glapp då han hadde fleire riv enn tyskaren Martin Buß. Topić kvalfiserte seg til sin siste store høgdefinale i 2005, kom på niandeplass i VM i Helsingfors. Den 20. juni 2009 vann han høgdetevlinga under Europameisterskapen for lag på Fana stadion i Bergen med 2,29 meter.

Doping

Topić var i 1993 utestengd i tre månader for bruk av ulovlege stimuli. I februar 2001 vart han utestengd i to år frå friidretten for bruk av nandrolon. Den perioden livnærde han seg med å spele basketball.

Medaljar og plasseringar i internasjonale meisterskap

• EM 1990 i Split: Gullmedalje – 2,34 m, framom Aleksej Jemelin (2,34 m)
• VM 1991 i Tokyo: Nr 9 – 2,28 m
• OL 1992 i Barcelona: Nr 9 – 2,28 m
• VM 1993 i Stuttgart: Utslått i kvalifiseringa (2,20 m)
• EM 1994 i Helsingfors: Nr 5 – 2,31 m
• VM 1995 i Göteborg: Nr 8 – 2,25 m
• OL 1996 i Atlanta: Nr 4 – 2,32 m
• VM 1997 i Aten: Utslått i kvalifiseringa (2,23 m)
• EM 1998 i Budapest: Nr 9 – 2,24 m
• VM 1999 i Sevilla: Nr 4 – 2,32 m
• OL 2000 i Sydney: Utslått i kvalifiseringa (2,20 m)
• OL 2004 i Aten: Nr 10 – 2,29 m
• VM i 2005 i Helsingfors: Nr 9 – 2,25 m
• VM 2007 i Osaka: Utslått i kvalifiseringa (2,19 m)
• OL 2008 i Beijing: Utslått i kvalifiseringa (2,25 m -nr17)
• VM 2009 i Berlin: Utslått i kvalifiseringa (2,15 m)
• EM 2012 i Helsingfors: Utslått i kvalifiseringa (2,10 m)

Topić la opp etter 2012-sesongen.

Kjelder

• Denne artikkelen bygger på «Dragutin Topić» frå Wikipedia på tysk, den 6. november 2014.

• «Dragutin TOPIC». International Olympic Committee. Henta 17. mars 2023. 
• «Dragutin Topić» (på engelsk). Olympedia. Henta 17. mars 2023.