Dvergmallefamilien

Dvergmallefamilien (Ictaluridae) er ein familie nord-amerikanske mallefisk som lever i ferskvatn frå Canada til Guatemala. Fleire av artane er òg sett ut i andre delar av verda, mellom dei dvergmallen ein finn i Drengsrudvannet i Asker.

Dvergmallefamilien
Ictalurus punctatus. Merk skjeggtrådane.
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Actinopteri
Underklasse:	Neopterygii
Infraklasse:	Ekte beinfiskar Teleostei
Orden:	Mallefisk Siluriformes
Familie:	Dvergmallefamilien Ictaluridae Gill, 1861

Kjenneteikn

Fiskane i dvergmallefamilien har tjukke, spoleforma kroppar og manglar både skjel og beinplater i huda. Dei har 8 skjeggtråder rundt munnen, fire på kvar side av munnen. Første finnestråle i ryggfinnen og brystfinnen er sagtanna og kraftige, hjå ein del artar sit det òg ei giftkjertel ved basis på dei. Dette gjeld ikkje arten me finn i Noreg. Hjå alle artane i familien vaktar dessutan foreldrefisken rogna si til ho er klekt.

Dei største artane vert 1,6 meter lange på det lengste, men dvergmallane her til lands vert ikkje meir enn vel 34 cm.

Kjelder

• L'Abée-Lund, Jan Henning: «Mallefisker» i Norges dyr - Fiskene 1
• FishBase