Dyrøy kommune

Dyrøy kommune (nordsamisk Divrráid suohkan) ligg i Troms-området i Troms og Finnmark fylke. Kommunen femner Dyrøya og ein del av fastlandet austom øya. Kommunen grensar til Sørreisa i nordaust, og Salangen i sør. Over Tranøyfjorden og Solbergfjorden i nordaust ligg Senja. Dei viktigaste næringsvegane har vore jordbruk og fiske, men begge delar har vore i tilbakegang dei siste åra. Folketalet har vore minkande i fleire tiår.

Dyrøy kommune
kommune
Kommunevåpen
Land	Noreg
Fylke	Troms og Finnmark
Adm.senter	Brøstadbotn
Areal	289 km²
- land	277 km²
- vatn	12 km²
Folketal	1 056 (1. januar 2023)
Målform	bokmål
Ordførar	Marit Alvig Espenes (Ap)
Kommunenr.	5420
Dyrøy 69°4′1″ N 17°44′29″ E
Wikimedia Commons: Dyrøy
Nettstad: www.dyroy.kommune.no

Det har vore brusamband frå Dyrøya til fastlandet sidan 1994 då Dyrøybrua vart opna. Av større stader på fastlandet er Brøstadbotn, Espenes og Kastnes.

Grunnkrinsar

Dyrøy kommune har berre eitt delområde. Det er delt inn i åtte grunnkrinsar (folketal 2008):

På fastlandet:

• Moen (241)
• Brøstad (505)
• Bjørkebakk (139)
• Hundstrand (90)
• Kastnes (70)

På Dyrøya:

• Dyrøyhamn (59)
• Merkesnes (79)
• Espejord (44)

Utan oppgjeve bustad (5)

Historie

Dyrøy kommune vart oppretta 1. september 1886, då han vart skild ut frå Tranøy kommune. Kommunen hadde då 1281 innbyggjarar. 1. januar 1964 vart den delen av Tranøy kommune som låg på fastlandet, overført til Dyrøy kommune. Etter dette hadde kommunen 2278 innbyggjarar.

Utvikling i folketalet dei seinare åra

2000	2005	2008	2019
1337	1288	1232	1097

Folk frå Dyrøy

• Aase Texmon Rygh (1925—2019), kunstnar, bilethoggar

Bakgrunnsstoff

• Offisiell nettstad

Denne geografiartikkelen er ei spire. Du kan hjelpe Nynorsk Wikipedia gjennom å utvide han.