Edmund Allenby
Edmund Henry Hynman Allenby (23. april 1861–14. mai 1936) var ein britisk feltmarskalk som kjempa i fleire kolonikrigar og fyrste verdskrigen.[1]
| Edmund Allenby | |||
 | |||
| Fødd | 23. april 1861 | ||
|---|---|---|---|
| Fødestad | Nottinghamshire | ||
| Død | 14. mai 1936 | ||
| Dødsstad | London | ||
| Rang | feltmarskalk | ||
| Eining | British Army | ||
| Konfliktar | den fyrste verdskrigen, andre boerkrig, Slaget om Megiddo, Slaget ved Mons, Det andre slaget om Ieper, Slaget om Arras, Slaget ved Beersheba | ||
| Adelstittel | Viscount Allenby | ||
Allenby tente i kavaleriet, og deltok 1884-85 i krig i Bechuanaland (Botswana), 1888 i Zululand og 1899-1902 i boarkrigen. Frå 1914 til 1917 kriga han i Frankrike, der han hadde ulike leiarposisjonar. I 1917 leia han den tredje arme i slaget ved Arras. Størst ry vann Allenby i striden mot tyrkarane i Egypt og Palestina. Han leia britiske styrkar til sigrar i Syria og Gaza.[1]
Frå 1919 til 1925 var Allenby britisk høgkommissær i Egypt og Sudan. Under hans styring vart det britiske protektoratet over Egypt oppheva i 1922, noko som med tida skulle leie til at Egypt vart ein suveren stat.[1]
Kjelder
endre- ↑ 1,0 1,1 1,2 «Edmund Allenby» i Store norske leksikon, snl.no.