Eiksundtunellen
Eiksundtunellen er ein undersjøisk tunnel som bind saman Hareidlandet med fastlandet i Møre og Romsdal. Tunnelen går mellom øya Eika i Ulstein under Vartdalsfjorden til Sørheim på Berkneshalvøya i Ørsta kommune. Under vegs går den mellom anna under Yksnøya og Lidaveten i Volda. Tunnelen er 7 765 meter lang. Den er den nest lengste undersjøiske tunnelen i Noreg, etter Bømlafjordtunnelen.
 Opninga av Eiksundtunellen 23. februar 2008. | |
| Veg | Fylkesveg 653 |
|---|---|
| Kommune | Ulstein - Ørsta |
| Fylke | Møre og Romsdal |
| Lengd | 7 765 meter |
| Stigning | 9,6 % |
| Trafikk | 3 382 (2023)[1] |
| Opna | 23. februar 2008 |
| Bompengar | Innkrevinga avslutta 14. juni 2014. |
 Eiksundtunellen 62°13′07″N 5°54′40″E / 62.2185°N 5.9112°E | |
Eiksundtunellen er ein del av Eiksundsambandet, som gir kommunane Hareid, Ulstein, Sande og Herøy fastlandssamband. Med ei djupne på 287 meter er Eiksundtunnelen no verdas djupaste vegtunnel. Arbeidet med tunnelen tok til sommaren 2004. Eiksundsambandet opna 23. februar 2008, og er ein del av Fylkesveg 653.
Største stigninga i tunnelen er 9,6 % opp mot Eika. Der er det tre felts veg. Stigninga opp mot Berkneshalvøya er 7,6 %. Der er det to felts veg, og den lengste beine vegstrekninga på Sunnmøre, ca 3,5 km rett fram.
Fram til somaren 2014 måtte ein betale bompengar for å køyre gjennom tunnelen. Ordinær takst for personbilar var NOK 76,-. Frå 14. juni 2014 vart all ferdsel avgiftsfri. Dette vart markert med eit arrangement der samferdsleminister Ketil Solvik-Olsen deltok.
Sjå også
endreReferansar
endre- ↑ «Trafikkdata - Fv653 Eiksundtunnelen». Statens vegvesen.
Bakgrunnsstoff
endre- Vegen og Vi: Opna mot verda Arkivert 2008-11-14 ved Wayback Machine. (nr. 4/2008, 28. februar 2008)
- Statens vegvesen: Eiksundsambandet Arkivert 2011-01-06 ved Wayback Machine. (21. februar 2008)
- Våre Veger: Eiksundsambandet blir forsinket Arkivert 2008-03-24 ved Wayback Machine. (23. oktober 2007)