Ella Marie Hætta Isaksen
Ella Marie Hætta Isaksen (fødd 25. april 1998) er ein norsk, samisk musikar frå Tana.
| Ella Marie Hætta Isaksen | |||
.jpg) Ella Marie under Over Oslo i 2018. Foto: Tore Sætre | |||
| Fødd | 25. april 1998 (25 år) | ||
|---|---|---|---|
| Fødestad | Tana kommune | ||
| Opphav | Noreg | ||
| Aktiv | 2015– | ||
| Sjanger | elektronisk dansemusikk | ||
| Instrument | vokal | ||
| Verka som | songar, låtskrivar, musikar, skodespelar, aktivist | ||
| Prisar | brobyggerprisen, Zola-prisen, Fritt Ords honnør | ||
Karriere endre
Musikk endre
I 2016 vann Isaksen Sámi Grand Prix med den sjølvskrivne songen «Luoddaearru», og i 2017 vann ho songtevlinga Liet International med same song.[1] I 2017 var Isaksen med på å starte bandet ISÁK.[2] I oktober 2018 vann ho NRK-programmet Stjernekamp.[3][4]
Politisk engasjement endre
Ho vart vald til fylkesleiar i miljøvernorganisasjonen Natur og Ungdom i november 2014[5] og sat til januar 2016. Ho hadde andre verv i organisasjonen fram til ho vart tilsett som kampanjesekretær i Natur og Ungdom hausten 2017. Ho vart vald inn i sentralstyret i organisasjonen i januar 2018, og sat i eit halvår, fram til ho valde å fokusere på musikken frå sommaren 2018.
I 2023 vart Isaksen ein frontfigur i aksjonen mot vindmøllene som hadde vorte sett opp på Fosen på ugild grunnlag. Fosen var opphavleg eit reindriftsområde for samane, men etter utbygginga av vindmøllene stadfesta Høgsterett at dei krenka «reindriftssamenes rett til kulturutøvelse».[6] Fosensaka fekk mykje merksemd i massemedia, særleg etter aksjonane mot departementa.[7]
Prisar og utmerkingar endre
I 2019 tok Ella Marie imot Brobyggerprisen frå Norske kirkeakademier.[8] I 2023 vart Isaksen tildelt Fritt Ords honnør for innsatsen hennar for minoritetsvern og samiske urfolksrettar.[9][10]
Verk endre
I 2021 gav ho ut si fyrste bok med tittelen Derfor må du vite at jeg er same.[11]
Kjelder endre
- ↑ NRK Sápmi 19. april 2017. Liet-vinneren: – Kulturskolen formet meg for scenen. Besøk 20. april 2017.
- ↑ Ságat 26. mars 2017. Isaksen med nytt band (krever innlogging). Besøkt 20. april 2017.
- ↑ NRK Sápmi 6. juni 2018 Samisk artist med i «Stjernekamp»
- ↑ «Ella Marie Hætta Isaksen», www.cappelendamm.no (på norsk), henta 11. november 2022
- ↑ Facebook-post av Finnmark Natur og Ungdom. (15. november 2014). Henta den 7. desember 2018.
- ↑ «Vedtak om konsesjon til vindkraftutbygging på Fosen kjent ugyldig fordi utbyggingen krenker reindriftssamenes rett til kulturutøvelse» (på norsk bokmål). Norges Høyesterett. Henta 30. mars 2023. Høyesteretts dom 11. oktober 2021, HR-2021-1975-S (sak nr. 20-143891SIV-HRET, sak nr. 20-143892-SIV-HRET og sak nr. 20-143893SIV-HRET)
- ↑ «Aksjonistene nekter å møte Aasland – vil kun snakke med statsministeren» (på norsk bokmål). NRK. Henta 30. mars 2023.
- ↑ «Brobyggerpris til Ella Marie Hætta Isaksen». Den norske kirke.
- ↑ «Ella Marie Hætta Isaksen kritiserer pressens dekning av Fosen-saken» (på norsk bokmål). NTB. Henta 30. mars 2023.
- ↑ «Ella Marie Hætta Isaksen kritiserer pressens dekning av Fosen-saken» (på norsk bokmål). Fritt Ord. Henta 30. mars 2023.
- ↑ «Derfor må du vite at jeg er same», Cappelendamm (på norsk), 2021, henta 11. november 2022
Denne artikkelen byggjer på Ella Marie Hætta Isaksen på Wikipedia på bokmål den 7. desember 2018.
