Erik Solheim
- Denne artikkelen handlar om politikaren Erik Solheim. For miljøvernaren og lektoren, sjå Erik Solheim (1947-).
Erik Solheim (fødd 18. januar 1955 i Oslo) er ein norsk diplomat og tidlegare politikar for SV. Han er leiar for miljøprogrammet til SN og assisterande generalsekretær i SN frå 2016.[1]
| Erik Solheim | |||
 | |||
| Fødd | 18. januar 1955 (68 år) Oslo | ||
|---|---|---|---|
| Statsborgar av | Noreg | ||
| Parti | Sosialistisk Venstreparti, Miljøpartiet Dei Grøne (august 2019) | ||
| Yrke | politikar, diplomat, deltakar i internasjonale forum | ||
| Utdanna ved | Universitetet i Oslo Oslo katedralskole | ||
| Alle verv |
| ||
Liv og virke endre
Utdanning endre
Solheim er utdanna cand.mag. med faga historie og sosiologi.
Valobservatør endre
Solheim har vore valobservatør i Russland, Georgia, Kviterussland og Ukraina. I tillegg til engasjement for fred og konfliktløysing har Solheim alltid vore svært oppteken av miljøspørsmål, og han var mellom anna med på SN sin miljøkonferanse i Rio i 1992. I utviklingspolitikken har han, i tillegg til fred og miljø, vore oppteken av kvinner og likestilling, samt olje- og energispørsmål.
Politisk karriere endre
Solheim var leiar i Sosialistisk Ungdom i åra 1977–1980, partisekretær i SV frå 1981 til 1985, og leiar for SV i perioden mellom 1987 og 1997. Han var stortingsrepresentant frå Sør-Trøndelag i perioden 1989–1993, og frå Oslo i perioden 1993–2001. Den personlege rådgjevaren til Solheim då han var SV-leiar og stortingsrepresentant var i fleire år Thor Gjermund Eriksen, som seinare vart redaktør i Dagbladet. Som SV-leiar etterfølgde han Theo Koritzinsky, og vart sjølv etterfølgd av Kristin Halvorsen.
Frå våren 2000 hadde han permisjon frå Stortinget for å vere spesialrådgjevar for det norske Utanriksdepartementet på Sri Lanka. Målet var å arbeide fram ein fredsavtale mellom styresmaktene i landet og LTTE. Vararepresentanten hans i utanrikskomitéen på Stortinget var i denne perioden Lisbet Rugtvedt.
Den 17. oktober 2005 vart han utnemnd til statsråd i Regjeringa Stoltenberg II med ansvar for utviklingssaker (utviklingsminister). Hausten 2007 fekk han òg ansvaret for Miljøverndepartementet. Han gjekk av som minister i 2012.
Kjelder endre
- Denne artikkelen bygger på «Erik Solheim» frå Wikipedia på bokmål, den 14. april 2010.
- Referansar
- ↑ Tore Gjerstad (2. mai 2016). «Erik Solheim blir FN-topp». Dagens næringsliv. Henta 13. juli 2017.
