Frank McCourt
Frank McCourt (19. august 1930–19. juli 2009) var ein irsk-amerikansk lærar og forfattar.
| Frank McCourt | |
 | |
| Statsborgarskap | USA |
| Fødd | 19. august 1930 Brooklyn |
| Død | |
| Yrke | lærar, skribent, sjølvbiograf, manusforfattar, romanforfattar |
| Språk | engelsk |
| Frank McCourt på Commons | |
McCourt vart fødd i Brooklyn i New York, foreldra var irske immigrantar. På grunn av depresjonstidene flytta familien attende til Irland då Frank var fire år gammal, og han voks opp i byen Limerick.
I nittenårsalderen vende han attende til USA der han livnærte seg med tilfeldig arbeid inntil han vart innrullert i dei militære styrkane i samband med utbrotet av Koreakrigen. Den militære tenesta si hadde han i Tyskland. Etter krigen oppnådde han, delvis gjennom the G.I. Bill (ei særordning for studieplassar for tidlegare militært personell), å verta godteken som student ved New York University, sjølv om han ikkje hadde den formelle grunnutdanninga. Han underviste dei siste 18 åra som lærar i engelsk (creative writing) ved Stuyvesant High School i New York .
McCourt fekk Pulitzerprisen (1997) og National Book Critics Circle Awards (1996) for memoarromanen Angela's Ashes som han gav ut i 1997.
Bror hans, Malachy McCourt, er også forfattar.
Utgjevingar
endre- Angela’s Ashes (1997, norsk utgåve: Engelen på det sjuende trinn : en irsk barndom, 2000)
- ’Tis (1999, norsk utgåve: Ja så menn, 2001)
- Teacher Man (2004, norsk utgåve: Lærer’n, 2006)
- Ireland Ever (2004) (medforfattar saman med Jill Freedman og Malachy McCourt)