Froland kommune

Froland er ein kommune i Agder fylke. Kommunen grensar i nord mot Åmli, i nordaust mot Vegårdshei, i søraust og sør mot Arendal i sørvest mot Birkenes, og i vest mot Evje og Hornnes og Bygland.

Froland kommune
kommune
Kommunevåpen
Land	Noreg
Fylke	Agder
Adm.senter	Osedalen/Blakstad
Areal	645 km²
- land	605 km²
- vatn	40 km²
Folketal	6 174 (1. januar 2023)
Målform	nøytral
Ordførar	Ove Gundersen (KrF)
Kommunenr.	4214
Froland 58°34′59″ N 8°34′20″ E
Wikimedia Commons: Froland
Nettstad: www.froland.kommune.no

Kommunen vart til ved samanslåing av tidlegare Froland og Mykland kommunar i 1967.

Historikk

Frolands verk vart grunnlagd som jernverk i 1763 og drive slik fram til 1867. Etter kvart tok skogsdrift og sagbruk over. I dag er hovudbygget frå 1791 freda, og den gamle stallen vert nytta som kultursenter.

Næringsliv

Energiselskapet Arendals fossekompani, grunnlagd 1896, driv tre kraftstasjonar i Froland og Åmli. Energiselskapet har hovudkontoret sitt på Bøylefoss i Froland.

Nelaug i Froland er fyrste stasjon på Arendalsbanen (tidlegare Nelaugbanen), som bind saman Sørlandsbanen og Arendal.

Kommunevåpenet vart godkjend i 1986. Det viser eit sylvfarga ekorn mot ein grøn bakgrunn. Grønfargen symboliserer skog og skogsdrift.

Kjende personar med tilknyting til Froland

• Niels Henrik Abel, matamatikar. Han døydde på Frolands verk i april 1829 og er gravlagd på Froland kyrkjegard.

Bakgrunnsstoff

• Froland kommune
• Arendalsbanen
• Arendals fossekompani