Fylkesveg 5442

Fylkesveg 5442
Brua er ikkje del av Fv5442, men vegen til Masfjorden er synleg oppe i bergsida inne i dalen bak brua.
Strekning
Matre i Masfjorden–Ortnevik i Høyanger
Informasjon
Status Fylke	fylkesveg Vestland
Restriksjonar
Vinterstenging	Bjordal-Stordalen

Fylkesveg 5442 i Vestland fylke går mellom Matre i Masfjorden og Ortnevik i Høyanger.

Det er ikkje bygd veg mellom Ortnevik og Nese i Vik, men på bestemde vekedagar er det båtsamband mellom Ortnevik og Vik som kan ta med bilar.

I 2019 vart det gjort endringar i fylkesvegnettet, og traséen til Fylkesveg 5442 står av fylgjande gamle fylkesvegar:

• Del av gamle Fylkesveg 92 i Sogn og Fjordane: Ortnevik – Hest – gamle fylkesgrensa mot Hordaland ved Stordalsvatnet (44,2 km)
• Fylkesveg 381 i Hordaland mellom Matre i Masfjorden kommune og den gamle fylkesgrensa mot Sogn og Fjordane ved Stordalsvatnet (15,2 km)

Historikk

I 1930-åra hadde Høyanger kommune berre lokale grendevegar på sørsida av Sognefjorden. Etter at kommunane Kyrkjebø og Lavik var slått saman til Høyanger kommune 1963 fekk innbyggjarane i den tidlegare Lavik kommune ein mykje lengre veg til kommunesenteret enn før. Derfor blei det vedteke å byggja veg frå Ikjefjord til Svartemyr, med ferje vidare til Nordeide, saman med ein gjennomgåande veg for grendene i Høyanger sør for Sognefjorden.

Etter ein del diskusjonar om kvar vegen skulle gå blei han bygd ut i etappar. I 1970 blei 3,9 km gammal veg mellom Bjordal og Leirnes oppgradert, traséen Hest–Bjordal blei seinare del av Fv92. 1972 blei 3,5 km mellom Leirnes og Svartemyr teke i bruk saman med ferjesambandet Svartemyr-Nordeide, og same året vart vegen Vamråk–Mjølvik teken i bruk. På dette tidspunktet hadde Ikjefjord vegløysing til Oppedal ferjekai i Ytre Oppedal og ferjesambandet Lavik-Oppedal-Brekke.

Med åra etterpå vart fleire strekningar ferdigbygde: i 1976 Bjordal–Søreide, 1980 Mjølsvik–Ortnevik, og ferjesambandet Ortnevik-Nordeide opna i 1982. Det siste stykket, mellom Søreide og Vamråk blei teke i bruk 1985.

Kommunar og knutepunkt

Masfjorden

Stordalsvegen

• Matre i Masfjorden
• Matredal bru I over Matreselva (33 m)
• Fossen bom (vinterstengd Fossen-Halsen)
• Haugehøl bru over Matreselva (22 m)
• Kleivhølen bru over Matreselva (25 m)

Høyanger

Stordalsvegen

• Stordalsvatnet
  • → veg til Stordalen fjellstove
• Krokevasselva bom (vinterstengd Krokvasselva-Førde)
• Krokevasselva bru over Krokevasselva (30 m)
• Bjørkelia
• Fjordsvegen
  
• Nystølen
• Førde bom (vinterstengd Førde-Krokvasselva)
• Blombakktunnelen (303 m)
• Dørefjelltunnelen (800 m)
• Halsen bom (vinterstengd Halsen-Fossen)
• Fv5586 Hest → Sørsidevegen til Ytre Oppedal i Gulen kommune (30,3 km)
• Sørsidevegen
  
• Bjordal
  • Bjordal kyrkje
• Bjordalstunnelen (1,6 km)
• Søreide
• Søreidetunnelen (1,9 km)
• Vamråk
• Vamråktunnelen (240 m)
• Mjølsvik
• Endepunkt Ortnevik ferjekai
  • → Kommunal veg vidare til Ortnevik
    • → Ortnevik kyrkje
  • → Vik-Ortnevik-Måren-Nordeide-Høyanger (ikkje alle avgangar kan ta bilar, bilplass må reserverast. Sjå Skyss.)