Gdańskbukta

Gdańskbukta
bukt
Land	Polen, Russland
Gdańskbukta 54.483055555556°N 18.958611111111°E / 54.483055555556; 18.958611111111
Kart som viser Gdańskbukta. Kart som viser Gdańskbukta.
Wikimedia Commons: Bay of Gdańsk

Gdańskbukta (polsk Zatoka Gdańska, kasjubisk Gduńskô Hôwinga; russisk Гданьская бухта Gdanskaja bukhta, tysk Danziger Bucht) er ei bukt søraust i Austersjøen. Han er kalla opp etter den nærliggande hamnebyen Gdańsk i Polen. Den austlege delen av bukta ligg i Kaliningrad oblast i Russland.

Geografi

Den vestlege delen av Gdanskbukta er forma av den grunne Puckbukta. I den søraustlege delen ligg Wisłalagunen innanfor det smale Wisłaneset. Mellom Gdanskbukta og Wisłabukta går Balitysksundet.

Den polske delen av regionen ligg i regionen Pommerellen (Rozewie, Helahalvøya), medan den russiske delen ligg i Kaliningrad oblast (Sambiahalvøya). På kysten i bukta finn ein to svært lange landtunger, Helahalvøya og Wisłaneset. Den første dannar Puckbukta og den andre Wisłalagunen.

På det djupaste er bukta 120 meter og ho har ein salinitet på 0,7 %.

Dei store hamne- og kystbyane ved bukta er Kaliningrad, Gdańsk, Gdynia, Puck, Sopot, Hel, Primorsk og Baltiysk. Dei største elvane som munnar ut i Gdanskbukta er Pregolja og Wisła. Bukta mottar vatn frå Wisła via tre greiner, Leniwka, Śmiała Wisła og Martwa Wisła, og indirekte via Wisłalagunen med to greiner, Nogat og Szkarpawa.

Historie

Bukta var åstad for eit sjøslag under invasjonen av Polen i 1939, som førte til den andre verdskrigen.

Kjelder

• Denne artikkelen bygger på «Gdańsk Bay» frå Wikipedia på engelsk, den 8. mai 2008.

Bakgrunnsstoff

• AIS Båttrafikk i Gdanskbukta Arkivert 2008-10-09 ved Wayback Machine.
  • Google Earth plugin Arkivert 2018-04-10 ved Wayback Machine.