Geir Holte

norsk langrennsløpar

Geir Holte (fødd 3. oktober 1959) er ein tidlegare norsk langrennsløpar frå Hokksund i Buskerud. Hans beste renn i verdscupen i langrenn i Kavgolovo i januar 1988 enda med ein fjerdeplass på 30 km. Han fekk sjeldan sjansen til å representere Noreg under dei store internasjonale meisterskapane. Beste resultat var ein 18. plass på tremila under Ski-VM 1985 i Seefeld. I noregsmeisterskap vann han tre sølvmedaljar, 1984, 1986 og 1989, to av dei på femmila og ei på tremila. Holte vann 50-kilometeren i Holmenkollen i 1985, ei tevling som ikkje talde med i verdscupen, såleis mangla mange av dei fremste langrennsløparane på startstreken. Han var då den første i verda som gjekk ei femmil utan festesmurning. Tor Håkon Holte er ein eldre bror.

Geir Holte
Statsborgarskap Noreg
Fødd 3. oktober 1959 (63 år)
Drammen
Idrett langrenn
Tok del i

Vinter-OL 1984, Ski-VM 1985

PlasseringarEndra

Besteplasseringar i internasjonale meisterskap og rennEndra

  • 1983: Nr 8 på 50 km i Oslo
  • 1984: Nr 6 på 30 km i Falun
  • 1985: Nr 5 på 30 km i Falun
  • 1985/86: Nr 13 på 30 km både i Bibawik og La Bresse
  • 1987: Nr 15 på 50 km i Holmenkollen
  • 1988: Nr 4 på 30 km i Kavgolovo

Medaljar og besteplasseringar i noregsmeisterskapEndra

Han vart noregsmeister i stafett (3 x 10 km) tre år på rad for Hokksund Idrettslag, 1984 med broren Tor Håkon Holte og Oddvin Bakkene, 1985 med Tor Håkon Holte og Arild Monsen og 1986 med Tor Håkon Holte og Oddvin Bakkene.

KjelderEndra

  • Sportsboken, aktuelle årgangar

BakgrunnsstoffEndra

Geir Holte i fis-ski.com