Georg Andreas Bull

norsk arkitekt

Georg Andreas Bull (26. mars 18291. februar 1917) var ein norsk arkitekt og stadskonduktør i Kristiania frå 1865 til 1903.

Georg Andreas Bull

Statsborgarskap Noreg
Fødd 26. mars 1829
Bergen
Død

1. februar 1917 (87 år)
Asker

Yrke arkitekt, stadskonduktør, ingeniør
Ektefelle Emilie Constance Hjelm
Georg Andreas Bull på Commons

Familie endre

Bull var son av Johan Storm Bull (1787–1838), som var apotekar ved Svaneapoteket i Bergen og Anne Dorothes Geelmuyden (1789–1875). Han var bror av fiolinisten Ole Bull og målaren Knud Bull.

Han gifta seg i 1858 med Emilie Constance Hjelm. Sonen hans Henrik Bull vart ein av dei best kjende arkitektane i si samtid.

Karriere endre

 
Teikning av Homansbyen
 
Homansbyen, mars 2007

Georg Andreas Bull fekk teikneundervising hjå Franz Wilhelm Schiertz i Bergen i perioden 1843–1845. Han utdanna seg som maskiningeniør ved den polytekniske høgskulen i Hannover 1846–1850, der han òg kan ha følgd professor Conrad Wilheln Hase sine førelesingar i bygningskunst. I 1855–1856 tok han arkitektutdanning ved Der Königliche Bauakademie i Berlin.

Bull arbeidde med bygningsarkeologiske undersøkingar for Fortidsminneforeningen i perioden 1851–1855. I 1857 oppretta han arkitektkontor i Kristiania, vart bygningsinspektør i 1858, stadskonduktør frå 1865 og bygningssjef 1898–1903. Han var Finansdepartementet sib inspektør for Staten sine bygningar i Kristiania og omegn i perioden 1865–1887. I åra 1858–1889 verka han som utøvande arkitekt. I Kristiania regulerte han Homansbyen (1858), Meyerløkka (1859) og Grünerløkka (1861). Han teikna 15 av dei 65 husa i Homansbyen i ulike historistiske stilartar. På Meyerløkka teikna han, og fekk i 1860 oppført, sin eigen villa på «stjerneplassen» St. Olavs plass 1.

Bull var ein av dei første norske jarnbanearkitektane, og var NSB sin faste arkitekt i åra 1863–72. Han hadde også hatt oppdrag for jarnbana i fem år før dette. I denne perioden teikna han ei rekkje stasjonar på Drammenbanen, Randsfjordbanen, Krøderbanen og Rørosbanen. Til desse teikna han vesentleg stasjonsbygningar i sveitserstil, men til enkelte større stasjonar i byane, som Trondheims første stasjon (1864), Drammen stasjon (1866), Vestbanestasjonen (1872) og Austbanestasjonen (1882) teikna han bygningar i mur.

Prisar og utmerkingar endre

Bull vart i 1875 utnemnd til riddar av St. Olavs Orden.[1] Han var òg riddar av Dannebrogordenen.

Galleri endre

Fotnotar endre

  1. Den Kongelige norske Sankt Olavs orden 1847-1947, utgitt av ordenskanselliet ved O. Delphin Amundsen, Oslo: Grøndahl & Søns Forlag, 1947, s. 201.

Litteratur endre

Bakgrunnsstoff endre