Gråkinndovenfugl
Gråkinndovenfugl (Bucco noanamae) er ein fugl i dovenfuglfamilien og er endemisk for Colombia med utbreiing i vestlege delar av landet nord for Buenaventura, i nord heilt mot grensa til Panama og Det karibiske havet.
| Gråkinndovenfugl | |
 Gråkinndovenfugl | |
| Utbreiing | |
 Utbreiinga av Gråkinndovenfugl | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Spettefuglar Piciformes |
| Familie: | Dovenfuglar Bucconidae |
| Slekt: | Bucco |
| Art: | Gråkinndovenfugl B. noanamae |
| Vitskapleg namn | |
| Bucco noanamae | |
Skildring
endreDette er ein mellomstor, tjukkfallen insektetande dovenfugl med kroppslengd på 18 centimeter. I hovudtrekk har denne fuglearten brun overside, kvit strupe, svart bryst og elles lys underside med mørke flekker. Oversida er skildra som gråleg brun med svakt skravert mønster i farge som er nærmar seg raud, han har kvitt nedst i panna og kvit augestripe, øyredekkarane er grå. Det kvite partiet i strupen dannar ein krage ut mot sidene på halsen. Brystet er svart, buken og kroppssidene er kvite med brungule flekker.[1] Nebbet er svart, iris raud og beina lys grå.[2]
Desse fuglane sit ofte urørlege og stille på greiner, bøyer seg så ned og plukkar insekt fra bladverk. Songen er ein serie av mange flytetonar som startar i ei trille og blir meir strekt ut mot slutten. Det naturlege habitatet er i fuktig og våt skog, kan òg bruke gjenvekst sekundærskog og i krattskog og sit lågt i vegetasjonen.[2]
Denne dovenfuglen lever i lågland, under 100 moh. Utbreiingsområdet er frå vestkysten av Urabá-bukta mot Det karibiske havet, i eit belte sørover gjennom Chocó-departementet i vestlege Colombia til Uramba nasjonalpark, så vidt inn i Valle del Cauca-departementet.
Ein kjenner ikkje storleiken på populasjonen, men han er trudd å vere minkande. Arten er sjeldan i utbreiingsområdet og IUCN har klassifisert han som nær truga. Trugsmåla er nye busettingar, avskoging og utviding av plantasjar og anna landbruksdrift.[3]
Kjelder
endre- Rasmussen, P.C., Collar, N. & Boesman, P. (2013). Sooty-capped Puffbird (Bucco noanamae) In: del Hoyo, J., Elliott, A., Sargatal, J., Christie, D.A. & de Juana, E. (eds.) (2014). Handbook of the Birds of the World Alive. Lynx Edicions, Barcelona. Henta den 1. mai 2015
- BirdLife International (2015) Species factsheet: Bucco noanamae Arkivert 2016-03-05 ved Wayback Machine.. Henta frå http://www.birdlife.org den 1. mai 2015
- Steven L. Hilty & William L. Brown, A Guide to the Birds of Colombia, Princeton University Press 1986, ISBN 9780691083728
- Referansar
Bakgrunnsstoff
endre
Wikimedia Commons har multimedia som gjeld: Gråkinndovenfugl