Grow av Jeangu Macrooy
| «Grow» Song av Jeangu Macrooy | ||
| Land | Nederland | |
| Språk | Engelsk | |
| Utgjeve | 4. mars 2021 | |
| Sjanger | Gospel | |
| Lengd | 02:59 | |
| Selskap | Unexpected Records | |
| Komponist | Jeangu Macrooy | |
| Tekstforfattar | Jeangu Macrooy | |
| Låtskrivar(ar) | Jeangu Macrooy, Pieter «Perquisite» Perquin | |
|---|---|---|
«Grow» (norsk 'vekse' eller 'veks') er ein sjølvbiografisk song frå 2020 av den surinamsk-nederlandske songaren og låtskrivaren Jeangu Macrooy. Songen vart utgjeven 4. mars 2020, og skulle ha representert Nederland i Eurovision Song Contest 2020, men 18. mars 2020 avlyste EBU Eurovision Song cONTEST på grunn av koronaviruspandemien i Europa vinteren 2020.[1]
Om songen
endre«Grow» er komponert og framført av musikaren Jeangu Macrooy. Manageren hans, den nederlandske musikaren og produsenten Pieter «Perquisite» Perquin, står bak arrangementet og instrumenta i songen.[2]
Macrooy er frå Surinam, men har budd i Nederland i ei årrekkje, og har vorte ein kjend person i landets musikkliv. Han omtalar «Grow» som ein sjølvbiografisk song, og seier at han skreiv han i ein «mørk periode».[2] Songen har engelsk tekst og er ei personleg historie om å verta eldre, og jakta på å finne seg sjølv.[3] Han handlar vidare om å verta eldre og innsjå at det ikkje finst nokon klappa og klar veg til lukke – og at livet er ein serie med opp- og nedturar, noko som til slutt gjer at ein veks.[4]
Eurovision Song Contest
endre«Grow» skulle representere Nederland på heimebane i Eurovision Song Contest 2020, etter at den nederlandske kringkastaren AVROTROS internt valde Jeangu Macrooy til å representere landet i tevlinga. Som vertsnasjon var Nederland automatisk kvalifisert til finalen i Rotterdam Ahoy laurdag 16. mai 2020. Men på grunn av koronavirusutbrotet i Europa vinteren 2020 vedtok EBU å avlyse Eurovision Song Contest for å hindre spreiing av koronaviruset SARS-CoV-2 og den medfølgjande sjukdomen covid-19.[5] Macrooy fekk i staden delta i Eurovision Song Contest 2021, men med songen «Birth of a New Age».[6]
Musikkvideo
endreDen offisielle musikkvideoen til «Grow» er regissert av Joe Roberts, og vart i likskap med låten sloppen 4. mars 2020.[3][7]
Listeplasseringar
endre| Liste (2020) | Høgaste
plassering |
|---|---|
| Nederland (Nederlandse Top 40)[8] | 29 |
| Nederland (Single Top 100)[9] | 48 |
Utgjevingshistorikk
endre| Region | Dato | Format | Merke | Ref. |
|---|---|---|---|---|
| Nederland | 4. mars 2020 | Unexpected Records | Digital nedlasting, strøyming | [10] |
Referansar
endre- ↑ Granger, Anthony (20. mars 2020). «Belgium: Hooverphonic Will Compete At Eurovision 2021» (på engelsk). Henta 20. mars 2020.
- ↑ 2,0 2,1 «Jeangu Macrooy wrote Songfestival song Grow in a ‘dark period’ | NOW» (på engelsk). 4. mars 2020. Henta 4. mars 2020.
- ↑ 3,0 3,1 «Jeangu Macrooy premiers 'Grow' for the Netherlands». 4. mars 2020. Henta 4. mars 2020.
- ↑ «Jeangu Macrooy premiers 'Grow' for the Netherlands». eurovision.tv. 4. mars 2020. Henta 4. mars 2020.
- ↑ Svendsen, Maiken (18. mars 2020). «Eurovision Song Contest avlyst» (på norsk bokmål). Henta 20. mars 2020.
- ↑ «Jeangu Macrooy starts again with 'Birth Of A New Age'» (på engelsk). 4. mars 2021. Henta 5. mars 2021.
- ↑ «Jeangu Macrooy – Grow – The Netherlands – Official Music Video – Eurovision 2020». YouTube. 4. mars 2020. Henta 4. mars 2020.
- ↑ Top 40, Stichting Nederlandse. «Jeangu Macrooy - Grow» (på nederlandsk). Henta 21. mars 2020.
- ↑ Hung, Steffen. «Jeangu Macrooy - Grow». Henta 21. mars 2020.
- ↑ «Grow – Single by Jeangu Macrooy on Apple Music». Apple Music. Henta 4. mars 2020.
- Denne artikkelen bygger på «Grow (Jeangu Macrooy-sang)» frå Wikipedia på bokmål, den 8. desember 2021.