Hardanger og Voss prosti

Koordinatar: 60°37′43″N 6°24′58″E

Hardanger og Voss prosti er eit tenestedistrikt i Bjørgvin bispedømme i Den norske kyrkja. Det femner kommunane Eidfjord, Fusa, Granvin, Jondal, Kvam, Odda, Samnanger, Ullensvang, Ulvik, Vaksdal og Voss. Prosten har sete på Vossavangen.

Vangskyrkja vart bygd i 1270-åra.

Kinsarvik kyrkje vart bygd kring 1150–60 og er den eldste kyrkja i prostiet.

Foto: Roar Johansen

Norheimsund kyrkje er den nyaste kyrkja i prostiet. Ho vart innvigd i 1992.

Røldal stavkyrkje er einaste bevarde stavkyrkja i Hordaland. Ho er frå kring 1250 og står i Røldal lengst sør i prostiet. Soknet høyrde lenge under Ryfylke-prosten og Stavanger-bispen.

Foto: Roar Johansen

Fusa og Samnanger vart overført til prostiet i 2014, etter at Midhordland prosti vart lagt ned.^[1]

Prostiet er inndelt sokn og soknet er grunneininga i Den norske kyrkja. Dei som arbeider i kyrkja er anten tilsette av soknet gjennom kyrkjeleg fellesråd, eller dei er tilsette i prostiet. Dei fleste prestane er tilsette i prostiet, og har tenesta si knytt til eitt eller fleire sokn.