Hastings

Hastings er ein by i East Sussex, søraust i England. Han har rundt 90 000 innbyggjarar (2007). Hastings er kjend som ein badeby og slaget ved Hastings i 1066, då Wilhelm Erobraren og normannarane tok over styret av England. Slaget stod eigentleg ved byen Battle i nærleiken. Hasting var ein av Cinque Ports, fem viktige hamnar i mellomalderen, men blei seinare mindre viktig etter. Hovudindustrien har sidan den tid og fram til no vore fiske.

Hastings
Hastings Castle med piren og sentrum i bakgrunnen Hastings Castle med piren og sentrum i bakgrunnen
Plassering
Styresmakter
Land	Storbritannia
Konstituerande land	England
Grevskap	East Sussex
Distrikt	Hastings
Geografi
Flatevidd  - By	2 972 km²
Innbyggjarar  - By (2007)    - folketettleik	90 570   30,5 /km²
Koordinatar	50°51′N 0°34′E
Diverse annan informasjon
Postnummer	TN34-35 TN36-37
Telefon-retningsnummer	01424
Nettstad: www.hastings.gov.uk
Commons har multimedium som gjeld: Hastings

Historie

Kystlina i Hastings.

Wilhelm Erobraren brukte byen som base då han steig i land i England. Då slaget ved Hastings var vunne bydge han ei borg her som ein kan sjå på Bayeuxteppet. Den noverande borga i Hastings er truleg bygd på den opphavlege grunnmuren.

I mellomalderen blei Hastings kalla den viktigaste av Cinque Ports, dei fem hamnebyane.

På 1200-talet blei store delar av byen teken av sjøen. Han blei overfalt og brunnen av franskmenn i 1339 og 1377, og gjekk deretter inn i ei nedgangstid. Det at Hastings mangla ei naturleg hamn gjorde ikkje stoda betre. Det blei lagt mange planar om å byggja ei hamn for byen, og i 1897 byrja ein eit prosjekt der ein stor «hamnearm» blei laga i sement. Pengemangel førte til at prosjektet aldri blei fullført, og under andre verdskrigen blei store delar av byggverket sprengd for å hindra tyske styrkar i å bruka det til å invadera England.

Utviklinga av det engelske jarnbanenettet og badeturisme gjorde likevel at byen voks på 1800-talet.

Kjende folk frå Hastings

• Catherine Cookson, forfattar
• Alistair Crowley, okkultist
• Pierre Teilhard de Chardin, filosof og teolog
• William Hale White, forfattar, også kjend som Mark Rutherford
• Desmond Llewelyn, skodespelar
• Spike Milligan, komikar
• Eugénie de Montijo, fransk keisarinne
• Winifred Wagner, leiar av festivalen i Bayreuth
• Arthur Wellesley, hertug av Wellington

Kjelder

• Tilsvarande artikkel på engelsk Wikipedia