Henriette Westhrin
Henriette Killi Westhrin (fødd 23. mars 1973 i Kragerø) er ein norsk politikar frå Sosialistisk Venstreparti. Frå 20. oktober 2009 var ho statssekretær for barneminister Audun Lysbakken, men etter at Lysbakken gjekk av 5. mars 2012,[1] vart ho statssekretær for Kristin Halvorsen,[2] som vart midlertidig statsråd etter Lysbakken.[3]
| Henriette Westhrin | |
_(cropped).jpg) | |
| Statsborgarskap | Noreg |
| Fødd | 23. mars 1973 (51 år) Kragerø |
| Yrke | politikar, fagforeiningsleiar |
| Politisk parti | Sosialistisk Venstreparti |
| Henriette Westhrin på Commons | |
Biografi
endreHenriette Westhrin er utdanna vernepleiar ved Høgskolen i Akershus. Ho har yrkeserfaring både som miljøterapeut, fritidsleiar for funksjonshemma og frå kulturetaten, og har vore innvald i kommunestyret ved Bamble kommune. Frå 1991 sat ho i plan- og miljøutvalet ved Telemark fylkeskommune, og frå 1994 til 1997 var ho nestleiar i Sosialistisk Ungdom. Deretter var ho sentralstyremedlem i SV frå 1999-2001, og leiar i Telemark SV 2001-2002.
Frå 2001 til 2004 sat ho i pensjonskommisjonen. I 2002-2003 jobba ho i fellesorganisasjonen for vernepleiarar, sosionomar og barnevernspedagogar, og i 2003 vart ho nestleiar i Sosialistisk Venstreparti. I 2004-2005 sat ho i utvalet som skulle utreia rammevilkår for norsk industri. Frå 2005 til 2007 var ho statssekretær i Miljøverndepartementet under Helen Bjørnøy. Deretter vart ho statssekretær i Finansdepartementet 2007-2009. Her hadde ho ansvar for å fylgja opp næringsdepartementa.
Henriette Westhrin har også vore vararepresentant frå Telemark i 2 periodar: 1993-1997 og 2001-2005.[4]
Kjelder
endre- Biografi hjå Regjeringen.no
- Bokmålswikipedia om Henriette Westhrin, henta inn 5. mars 2012.