History of the Grateful Dead, Volume One (Bear's Choice)

History of the Grateful Dead, Volume One (Bear's Choice) Konsertalbum av Grateful Dead
Språk	engelsk
Utgjeve	13. juli 1973
Innspelt	13. og 14. februar 1970
Sjanger	Jam, rock, folkrock, blues
Lengd	47:28
Selskap	Warner Bros.
Produsent	Owsley Stanley
Grateful Dead-kronologi
Europe '72 (1972)	History of the Grateful Dead, Volume One (Bear's Choice)	Wake of the Flood (1973)

History of the Grateful Dead, Volume One (Bear's Choice) er eit konsertalbum av Grateful Dead. Det kom ut i juli 1973 på Warner Bros. Records og består av høgdepunkt frå to konsertar spelte inn 13. og 14. februar 1970 i Fillmore East in New York City. Ofte vert det berre kalla Bear's Choice, som syner til lydmannen deira Owsley «Bear» Stanley. Det var opphavleg meint å vere det første volumet i ein serie.

Meldingar
Karakter
Kjelde	Karakter
AllMusic
Christgau's Record Guide	C+
Rolling Stone	Middels

Albumet nådde 60. plassen på Billboard 200.

Innspeling

Albumet vart spelt inn i ein periode då konsertane til Grateful Dead bestod av elektriske sett og eit akustisk sett, der dei framførte songar frå tida deira som vise- og jugband. Plata har derfor ei akustisk side og tre elektriske. Det var vanleg på denne tida på Fillmore East at band spelte på ein tidleg og ein sein konsert same dagen. Innspelingane for dette albumet var henta frå dei seine konsertane den 13. og 14 februar 1970. Dick's Picks Volume 4 kom ut i 1996 og inneheld fleire songar frå desse konsertane.

Det originale albumet vart spelt inn og produsert av Owsley «Bear» Stanley, den dåverande lydmannen til The Dead, som valde ut dei songane han likte best. Han sette det saman som ei slags hyllest til Ron «Pigpen» McKernan, den originale klaverspelaren til bandet, som døydde under produksjonen av plata. Det er derfor med tre songar der Pigpen syng solo, inkludert alle på side to.

Bandmanageren Rock Scully sa «Pigpen gjekk ut på scenen og sette seg ned i ein stol... det var den einaste gongen han gjorde det. Han sette seg ned og spelte flaskehalsgitar. Me hadde pressa han i årevis om å gjere det, og endeleg vart han komfortabel nok med publikummet der i Fillmore til å gå ut og gjere det. Han gjekk ut og sette seg ned på scenen. Det var valentinsdagen og han hadde ein kjærast i publikum. Han gjekk ut og spelte ‘Katie Mae’ for henne. Like etter gjekk Bobby (Weir) og Garcia ut og gjorde det same. Dei sette seg ned og spelte akustiske gitarar. Dei gjer ikkje det lenger.»

Utgjeving

Side ein består av akustiske songar av McKernan, Jerry Garcia og Bob Weir på countryblues- og visecoverversjonar, med ein original frå Workingman's Dead. Den andre sida består av heile det elektriske bandet på bluessongane «Smokestack Lightning» av Howlin' Wolf og «Hard to Handle» av Otis Redding.

Albumet vart ommastra for CD i 2001 som ein del av plateboksen The Golden Road (1965–1973). Denne versjonen, med fire bonusspor, kom ut som ei separat utgjeving i 2003.

Innhald

Side ein

Nr.	Tittel	Låtskrivar(ar)	Lengd
1.	«Katie Mae»	Lightnin' Hopkins	4:46
2.	«Dark Hollow»	Bill Browning	3:30
3.	«I've Been All Around This World»	tradisjonell	4:40
4.	«Wake Up Little Susie»	Felice og Boudleaux Bryant	2:40
5.	«Black Peter»	Jerry Garcia Robert Hunter	7:20

Side to

Nr.	Tittel	Låtskrivar(ar)	Lengd
6.	«Smokestack Lightning»	Howlin' Wolf	18:00
7.	«Hard to Handle»	Al Bell Allen Jones Otis Redding	6:14

Bonusspor på 2001/2003-utgåva

Nr.	Tittel	Låtskrivar(ar)	Lengd
8.	«Good Lovin'»	Rudy Clark Arthur Resnick	8:56
9.	«Big Boss Man»	Al Smith Luther Dixon	4:53
10.	«Smokestack Lightning»	Howlin' Wolf	15:11
11.	«Sitting on Top of the World»	Lonnie Chatmon Walter Vinson	3:20

Merknad

• «Katie Mae,» «Wake Up Little Susie,» «Black Peter» og «Smokestack Lightning» spelte inn 13. februar 1970 i Fillmore East i New York.
• «Dark Hollow», «I've Been All Around This World» og «Hard to Handle» spelte inn 14. februar 1970 i Fillmore East.

Bonusspor:

• «Good Lovin'» spelt inn 13. februar 1970 i Fillmore East i New York.
• «Big Boss Man» spelt inn 5. februar 1970 i Fillmore West i San Francisco.
• «Smokestack Lightning» og «Sitting on Top of the World» spelt inn 8. februar 1970 i Fillmore West.

Medverkande

• Jerry Garcia – akustisk og sologitar, vokal på «Dark Hollow», «I've Been All Around This World», «Wake Up Little Susie» og «Black Peter»; elektrisk gitar and vokal på «Smokestack Lightning» (begge versjonar), «Hard to Handle», «Good Lovin'», «Big Boss Man» og «Sitting on Top of the World»
• Mickey Hart – trommer og perkusjon på «Smokestack Lightning» (begge versjonar), «Hard to Handle», «Good Lovin'», «Big Boss Man» og «Sitting on Top of the World»
• Bill Kreutzmann – trommer og perkusjon på «Smokestack Lightning» (begge versjonar), «Hard to Handle», «Good Lovin'», «Big Boss Man» og «Sitting on Top of the World»
• Phil Lesh – bassgitar og vokal på «Smokestack Lightning» (begge versjonar), «Hard to Handle», «Good Lovin'», «Big Boss Man» og «Sitting on Top of the World»
• Ron «Pigpen» McKernan – akustisk gitar og vokal på «Katie Mae»; orgel, perkusjon, munnspel og vokal på «Smokestack Lightning» (begge versjonar), «Hard to Handle», «Good Lovin'», «Big Boss Man» og «Sitting on Top of the World»
• Bob Weir – akustisk rytmegitar og vokal på «Dark Hollow», «I've Been All Around This World», «Wake Up Little Susie» og «Black Peter»; elektrisk gitar og vokal på «Smokestack Lightning» (begge versjonar), «Hard to Handle», «Good Lovin'», «Big Boss Man» og «Sitting on Top of the World»

Teknisk

• James Austin – produsent (nyutgjeving)
• Joe Gastwirt – mastering consultancy (nyutgjeving)
• David Lemieux – produsent (nyutgjeving)
• Peter McQuaid – leiande produsent for Grateful Dead Productions
• Owsley Stanley – produsent

Salslister

Album – Billboard

År	Liste	Plassering
1973	Pop Albums	60

Kjelder

• Denne artikkelen bygger på «History of the Grateful Dead, Volume One (Bear's Choice)» frå Wikipedia på engelsk, den 3. juni 2019.
  • Wikipedia på engelsk oppgav desse kjeldene: