Hovet

Hovet
Land	Noreg
Fylke	Buskerud
Kommune	Hol
Hovet 60.622313916667°N 8.1537416666667°E / 60.622313916667; 8.1537416666667
Wikimedia Commons: Hovet (Hol)

Hovet (lokalt kalla Høvet) er ei bygd i Austre Hol, aust for Hallingskarvet i Hol kommune i Viken. Hovet er eige sokn og skolekrins, og er eit gamalt jordbruksområde, der det har vore mykje fedrift og storfehald. Målføret i Hovet er halling. Hovsfjorden ligg aust (sør) i Hovet. Frå gamalt av er austre delen av Hovet omtalt som sør, mens den vestre delen er omtalt som nord.

Hovet har namnet sitt etter eit gamalt gudehov, og Lars Reinton reknar det som sannsynleg at noko av den eldste busetnaden i Hol er knytt til denne kultstaden. Om Hovet ein gong var hovudgard i bygda, er denne garden for lengst borte, men nemninga Hovvaldet lever att som nemning på den sentrale gardskrinsen i bygda.

Geografisk vert Hovet rekna frå Kvammen der det er ei innsnevring i dalen mellom Hovet og Holet. Der dalen snevrar seg inn att, går Hovet naturleg over i Sudndalen. Vidare inn med Strandevatn ligg Raggsteindalen. Den gamle ferdslevegen over fjellet til Aurlandsdalen gjekk gjennom bygda. Før Bergensbanen vart lagt, var dette rekna som hovuddalføret i øvre Hallingdal.

Folk frå Hovet vert kalla høveringar.

Fotogalleri

• 
  Ein gard i Hovet
• 
  Haustmotiv
• 
  Vintermotiv
• 
  Vegen i Hovet
• 
  Hovsfjorden
• 
  Hovet kyrkje

Bakgrunnsstoff

Commons har multimedium som gjeld: Hovet

Denne geografiartikkelen som har med Buskerud å gjere, er ei spire. Du kan hjelpe Nynorsk Wikipedia gjennom å utvide han.