Hussein Ahmed Salah

Hussein Ahmed Salah (fødd 31. desember 1956) er ein tidlegare langdistanseløpar frå Ali Sabieh i Djibouti som vann VM-sølv 1987 og 1991 i maratonløp, samt OL-bronse på distansen i 1988. Han er den einaste idrettsutøvaren frå Djibouti med OL-medalje.

Hussein Ahmed Salah
Statsborgarskap	Djibouti
Fødd	31. desember 1956 (67 år) Ali Sabieh
Idrett	friidrett
Tok del i	Sommar-OL 1996, Sommar-OL 1992, Sommar-OL 1988, Sommar-OL 1984

Aktiv

I 1985 vann Salah Det internasjonale friidrettsforbundet (IAAF) sin verdscup i maraton, mellom anna sigra han i Hiroshima maraton og vart andremann i New York. Året etter triumferte han i Paris maraton.

Salah tok så sølvmedaljen i maratonløpet under VM 1987 i Roma, på plassen bak Douglas Wakiihuri frå Kenya og plassen føre Gelindo Bordin frå Italia. I april 1988 sprang Salah sitt livs fortaste maraton då han vart nummer 2 i Rotterdam maraton på tida 2.07.07, 17 sekundar bak Belayneh Densamo frå Etiopia, begge løparane på tider under verdsbestetida til Carlos Lopes frå Portugal.

I dei olympiske sommarleikane 1988 i Seoul sprang Salah inn til bronsemedalje, 27 sekundar etter Bordin og 12 etter Wakiihuri, dei to andre medaljevinnarane frå VM året i førevegen. I 1991 sikra Salah seg i Tokyo eit nytt VM-sølv, halvminuttet bak heimefavoritten Hiromi Taniguchi.

Medaljar og plasseringar i internasjonale meisterskap

• VM 1983 i Helsinki: Braut maratonløpet
• OL 1984 i Los Angeles: Nr 20 – 2.15.59
• VM 1987 i Roma: Sølvmedalje – 2.12.30, bakom Douglas Wakiihuri (2.11.48)
• OL 1988 i Seoul: Bronsemedalje – 2.10.59
• VM 1991 i Tokyo: Sølvmedalje – 2.15.26, bakom Hiromi Taniguchi (2.14.57)
• OL 1992 i Barcelona: Nr 30 – 2.19.04
• VM 1995 i Göteborg: Nr 25 – 2.20.50
• OL 1996 i Atlanta: Nr 42 – 2.20.33

Kjelder

• Denne artikkelen bygger på «Hussein Ahmed Salah» frå Wikipedia på engelsk, den 17. juni 2019.