Indelibly Stamped

Indelibly Stamped
Studioalbum av Supertramp
Utgjeve 25. juni 1971
Innspelt April til mai 1971
Studio Olympic Studios i London
Sjanger Progressiv rock
Lengd 40:33
Selskap A&M
Produsent Supertramp
Supertramp-kronologi
Supertramp
(1970)
Indelibly Stamped Crime of the Century
(1974)


Indelibly Stamped er det andre studioalbumet til det engelske rockebandet Supertramp, gjeve ut i 1971. Det markerte ei dramatisk endring mot meir streit rock enn debutplata, og i følgje notata bandet sjølv skreiv i omslaget var «Travelled» den einaste songen som minna om debutplata. Som debutplata selde det derimot dårleg då det kom ut, men i seinare år har det selt til gullplate i Frankrike og Canada. Plateomslaget syner biletet av overkroppen til ei tatovert og topplaus kvinne. Dette var det første Supertramp-albumet som kom ut i USA, men A&M klistra to gullstjerner over brystvortene på omslaget.

BakgrunnEndra

Roger Hodgson sa seinare at Indelibly Stamped var «overlevingsalbumet som sette oss attende på den gode sida til manageren vår. Det var ikkje noko tema for albumet og me dreiv og kava.»[1] Dei nye medlemmane Kevin Currie, Frank Farrell og Dave Winthrop vart alle henta inn kort tid før innspelinga tok til.[1]

Songen «Times Have Changed» utvikla seg frå ein song kalla «Times of Rain», som var skriven med Richard Palmer-James medan han framleis var med i gruppa. Rick Davies og Roger Hodgson skreiv ny tekst til songen og gav han nytt namn.[2]

Albumet vart marknadsført med ei rekkje konsertar i P.N. Club i München, der Supertramp hadde heldt dei første konsertane sine. Rick Davies skildra sceneshowet deira på denent ida som «verkeleg heilt Rock and Roll. Me brukte å få folk opp på scenen og det var heilt kaos. Me hoppa av stad og gjorde tre ekstranummer, men det var kjøpt og poteter bak det. Verken fleire eller færre folk kom til den neste konserten.»[1] Dette var det siste albumet der Roger Hodgson spelte bass medan han var i Supertramp.

MottakingEndra

Meldingar
Karakter
KjeldeKarakter
AllMusic     [3]

I ei kort melding skildra AllMusic albumet som ei forbetring av debutplata, men meinte det framleis var nokre instrumentalparti som var for lange.[3]

InnhaldEndra

Alle songane er skrivne av Rick Davies og Roger Hodgson, utanom der andre nemnde.

All solovokal av Rick Davies, utanom der andre er nemnde.

Side ein
Nr.TittelLåtskrivar(ar)SolovokalLengd
1.«Your Poppa Don't Mind»  2:58
2.«Travelled» Hodgson4:15
3.«Rosie Had Everything Planned»Hodgson, Frank FarrellHodgson2:58
4.«Remember»  4:00
5.«Forever»  5:05
Side to
Nr.TittelSolovokalLengd
6.«Potter»Dave Winthrop2:23
7.«Coming Home to See You» 4:39
8.«Times Have Changed» 3:42
9.«Friend in Need» 2:08
10.«Aries»Hodgson7:25
Total lengd:40:33
  • «Rosie Had Everything Planned» er den einaste originale songen i heile Supertramp-katalogen der Rick Davies ikkje er oppført som låtskrivar.

MedverkandeEndra

Produksjon

SalslisterEndra

VekeslisterEndra

Liste Plassering
Australske Kent Music Report[4] 53

Salstrofé og salstalEndra

Region Salstrofé
Canada (Music Canada)[5] Gull
Frankrike (SNEP)[6] Gull

KjelderEndra

  1. 1,0 1,1 1,2 Melhuish, Martin (1986). The Supertramp Book. Toronto, Canada: Omnibus Press. s. 36–38. ISBN 0-9691272-2-7. 
  2. Fuentes, Abel (January 2011). Interview with Richard Palmer, Supertramp Soap Box Asylum. Henta 9. juni 2020.
  3. 3,0 3,1 Indelibly StampedAllmusic
  4. Kent, David (1993). Australian Chart Book 1970–1992. St Ives, NSW: Australian Chart Book. ISBN 0-646-11917-6. 
  5. «Canadian album salstrofé – Supertramp – Indelibly Stamped». Music Canada. 
  6. «French album salstrofé – Supertramp – Indelibly Stamped» (på fransk). InfoDisc.  Select SUPERTRAMP and click OK